پەیامی کورد     ...    ئامادەباشی ئەرتەشی ئیسرائیل بۆ هێرش سەربازی ئەمریکا بۆ سەر ئێران

میدیاکانی ئیسرائیل ڕۆژی چوارشەممە ٢٥ی نۆڤەمبەر ی ٢٠٢٠ ڕاپۆرتیان دا کە فەرمانیان بە ئەرتەشی ئەم ووڵاتە کردووە بە گرینگیدان بەوەی کە ئەگەری هێرشی سەربازی ئەمریکا بۆ سەر ئێران زۆرە کەوتنە ئامادەباشی تەواوەوە .

جگە لە ئامادەباشی ئەرتەش ، وەزیری بەرگری ئیسرائیل بێنی گانتس یش دوو جار لەگەل هاوتا ئەمریکییەکەی خۆی دەربارەی بابەتی سووریا و ئێران ووتووێژی ئەنجام داوە 

بەرپرسانی ئیسرائیلی دەڵێن کە شک و گومانەکان دەربارەی ئێران ئەوانی ناچار کردووە ئەرتەشی ووڵاتەکەیان لە ئامادەباشی تەواودا بن .

ئێلیۆت ئابرامز نێردراوی تایبەتی ئەمریکا لە کاروباری ئێران یش هەروەها ڕۆژی چوارشەممە ڕایگەیاند کە گەمارۆگەلێکی زیاتر لە دژی تاران لە ماوەی هەفتەکانی داهاتوودا دەخرێتە واری جێبەجێ کردنەوە 

ئابرامز هەروەها ووتی : " ئێمە گەمارۆگەلێک لە دژی ٤ کەسی یاسایی کە بەرنامەی مووشەکی ئێران پاڵپشتی دەکەن دەخەینە واری جێبەجێ کردنەوە ."

ئەم بابەتە 12003 جار خوێندراوەتەوە