پەیامی کورد      ...    بە بڕیاری قۆباد تاڵەبانی هێز لە دەروازە سنوورییەکان جێگیر دەکرێن

بە بڕیاری قوباد تاڵەبانی جێگری سەرۆکی حکومەتی ھەرێمی کوردستان لە رۆژی دووشەممە 9-ی ئابی 2021-ەوە، ھێزەکانی ئۆپراسیۆنی ئاسایشی سلێمانی سەربەدەزگای ئاسایشی ھەرێم لە دەروازەکانی باشماخ و پەروێزخان و چەندین خاڵی تری گومرگی جێگیردەکرێن.

بەگوێرەی راگەێندراوی نووسینگەی جێگری سەرۆکی حکوومەت کە ئەمڕۆ یەکشەممە بڵاوکرایەوە، قوباد تاڵەبانی جێگری سەرۆکی حکوومەتی هەرێمی کوردستان کە بەرپرسی مەلەفی کۆکردنەوەی داهاتی ناوچەی سلێمانیشە،" بەمەبەستی رووبەڕووبوونەوەی قاچاخچێتی و یاساشکێنان و ئەوانەی لەدەرەوەی رێنمایی و بڕیارەکانی حکوومەت کاردەکەن، بڕیاریداوە بەجێگریکردنی ھێزەکانی ئۆپراسیۆنی ئاسایشی سلێمانی سەربەدەزگای ئاسایشی ھەرێم لە دەروازەکانی باشماخ و پەروێزخان و چەندین خاڵی تری گومرگی، بڕیارەکەش لەسبەی دووشەممەوە دەخرێتە واری جێبەجێکردنەوە."

وەک لەراگەێندراوەکەدا هاتوە،" ئەم ھەنگاوەش سەرەتایەکی گرینگە بۆ چاکسازی و سەروەری یاسا و پارێزگاریکردن لە مافی گشتی."

ئەم بابەتە 11988 جار خوێندراوەتەوە