پەیامی کورد     ...    پاڤڵ تاڵەبانی بڕیارێکی نوێ لە ناو دژە تێرۆری یەکیتی دەردەکات .

بە گویرەی نوێترین زانیاری بە بڕیاری پاڤڵ تاڵەبانی سەرجەم ناسنامەکانی پێشووی ئەندامانی دژە تێرۆر وەردەگیرێنەوە و ڕادەگیرێن .

ئەم بڕیارە دوای ئەوە دێت کە بە بڕیاری چەند کەسێک زیاتر لە ١٢ هەزار ناسنامەی دژە تێرۆر بە شێوەی نایاسایی درووستکراوە پێشتر .

سەرۆکی نوێی یەکیتی پاڤڵ تاڵەبانی لە بڕیارێکی نوێدا ، سەرجەم ئەو ناسنامانەی کە بۆ هیزەکانی دژە تێرۆری یەکیتی درووستکرابوون وەردەگیرێتەوە و ناسنامەی نوێیان بۆ درووست دەکرێت ، هەر لەمبارەیەوە سەرچاوەیەک ڕایگەیاندووە : بڕیارەکەی پاڤڵ تاڵەبانی نایاساییە لە بەر ئەوەی کە دژە تێرۆر ڕێکخراوێکی حکوومییە و سەر بە ئەنجوومەنی ئاسایشی هەرێمە پێویستە ئەوان ئەو کارە ڕێک بخەن نە وەک بەرپرسێکی حیزبی ، هاوکات لە بڕیارە نوێیەدا پاڤڵ  تاڵەبانی ڕایگەیاندووە ڕێکاری تووند بگیرێتە بەر دەربارەی ئەو کەسانەی کە بە ناوی دژە تێرۆرەوە سوودمەند بوونە .

میدیای فەرمی سەر بە یەکیتی ئاشکرایکردووە پاڤڵ تاڵەبانی سەرۆکی نویی یەکیتی بڕیاری لێپێچینەوەی بۆ ئەو کەسانە کە بە شێوەی نایاسایی ناسنامەی دژە تێرۆریان بۆ دەرکراوە ، و سەرجەم ناسنامەکانیان لیوەربگیرێتەوە و ڕابگیرێت .

هەروەها لەم بڕیارە دا ڕایگەیاندووە سەرجەم ئەو ناسنامە ساختانە لە لایەن دژە تێرۆرەوە دەرکراون دەبێ هەبوەشێندرێتەوە و هەر کەسێکیش بە شێوەی یاسایی لەم دەزگایەدا فەرمانبەر نەبووبێت و سوودمەند بووبێت لە وەرگرتنی زەوی و ئۆتۆمبێل و چەک بۆ مەرامی تاکە کەسی و یاساشکێنی ئیمتیازاتی پێدرابێت ئەوە هەموو لێوەردەگیرێتەوە .

بە پێی ئەم هەواڵە هەر کەسێکیش پابەندی ئەم یاسایە نەبێت ئەوە بەرەوڕووی دادگای باڵا دەکرێتەوە

ئەم بابەتە 11996 جار خوێندراوەتەوە