بەڕێوبەرایەتی کەشناسی لە ڕاگەیندراوێکدا کاتی کۆتایی هاتنی شەپۆلی بەفر و باران ڕادەگەێنێت
پەیامی کورد ... بەڕێوبەرایەتی کەشناسی لە ڕاگەیندراوێکدا کاتی کۆتایی هاتنی شەپۆلی بەفر و باران ڕادەگەێنێت
کەشناسی هەرێم رایگەیاند، لەسبەی شەممەوە باران بارین کۆتایی دێت و پلەکانی گەرماش تارادەیەک بەرزبوونەوە بەخۆیانەوە دەبینن.
بەڕێوبەرایەتی کەشناسی و بۆمەلەرزەزانی هەرێم بڵاویکردوەتەوە، لە سبەی شەممە وە ئەو شەپۆلی باران بارینەی چەند رۆژێکە هەرێمی کوردستانی گرتوەتەوە كۆتایی پێدێت و له هه‌ر چوار پارێزگاكه‌ی هه‌رێم ئاسمان ساماڵ و نیمچه هه‌ور ده‌بێت.
ئاماژه‌ی به‌وه‌شكردوه، كه‌ش و هه‌وای سبه‌ی شه‌ممه له پارێزگای سلێمانی به‌شێوه‌یه‌ك ده‌بێت، ئاسمان له نێوان نیمچه هه‌ور و په‌ڵه هه‌وردا ده‌بێت و خێرایی باش له نێوان ١٠-١٥ كیلۆمه‌تر له كاتژمێرێرێكدا ده‌بێت و نزمترین پله‌ی گه‌رمی ٦ پله‌ی سیلیزی و به‌رزترین پله‌ی گه‌رماش ١٥ پله‌ی سیلیزی ده‌بێت.
له باره‌ی پارێزگای هه‌ڵەبجه‌شه‌وه كه‌شناسی هه‌رێم ئه‌وه‌ی خستوەتەڕوو، كه‌ش و هه‌وای پارێزگاكه بۆ سبه‌ی شه‌ممه، ئاسمان له‌نێوان نیمچه هه‌ور و په‌ڵه هه‌وردا ده‌بێت و له هه‌ندێك ناوچه‌ی سه‌ر به‌و پارێزگایه هه‌وری ته‌واو ده‌بێت، خێرایی با ش له‌نێوان ٥-١٠ كیلۆمه‌تر ده‌بێت له كاتژمێرێكدا و به‌رزترین پله‌ی گه‌رمی ١٦ پله‌ی سیلیزییه و نزمترین پله‌ش ٦ پله‌ی سیلیزی یه.
هاوکات له پارێزگای كه‌ركوکیش ئاسمان ساماڵ و په‌ڵه هه‌و ده‌بێت، خێرای باش له‌و پارێزگایه ٥-١٠ كیلۆمه‌تر له كاتژمێرێكدا و نزمترین پله‌ی گه‌رمی ١٠ پله‌ی سیلیزی دەبێت و به‌رزترین پله‌ی گه‌رماش ٢٠ پله‌ی سیلیزی یه.
له‌سه‌ر پارێزگای هه‌ولێریش كه‌شناسی هه‌رێم ڕوونیكردوه‌ته‌وه، بۆ سبه‌ی شه‌ممه ئاسمان ساماڵ و هه‌ندێك ناوچه‌ی ده‌ورووبه‌ری ئه‌و پارێزگایه نیمچه هه‌ور ده‌بێت، خێرایی با ش هاوشێوه‌ی پارێزگای سلێمانی ده‌بێت، واتا له نێوان ١٠-١٥ كیلۆمه‌تره له كاتژمێرێكدا و به‌رزترین پله‌ی گه‌رما ١٦ پله‌ی سیلیزی و نزمترین پله‌ی گه‌رماش ٧ پله‌ی سیلیزی ده‌بێت.
سه‌باره‌ت به پارێزگای دهۆك یش كه‌شناسی هه‌رێم باسی له‌وه‌كردوه، رۆژی شه‌ممه ئاسمان له نێوان په‌ڵه هه‌ور و نیمچه هه‌وردا ده‌بێت، خێرایی باش له نێوان ١٠-١٥ كیلۆمه‌تره له كاتژمێرێكدا ده‌بێت و به‌رزترین پله‌ی گه‌رما ١٣ پله‌ی سیلیزی و نزمترین پله‌ی گه‌رماش ٧ پله‌ی سیلیزی ده‌بێت.
ئەم بابەتە 11991 جار خوێندراوەتەوە