بە بڕیاری ئه‌نجوومه‌نی وه‌زیران مووچەی ئەم شوێنانە دابەش دەکرێت
پەیامی کورد ... بە بڕیاری ئه‌نجوومه‌نی وه‌زیران مووچەی ئەم شوێنانە دابەش دەکرێت
وه‌زاره‌تی دارایی و ئابووری حكوومه‌تی هه‌رێم رایگه‌یاند، له‌سه‌ر بڕیاری ئه‌نجوومه‌نی وه‌زیران به هه‌مان میكانیزمی مانگی پێشوو رۆژی چوارشه‌ممه، مووچه‌ی مانگی (حوزه‌یران/٦)ی ئه‌نجوومه‌نی ئاسایش و ده‌زگای ئاسایش دابه‌ش ده‌كرێت.
سه‌رچاوه‌یه‌ك له وه‌زاره‌تی دارایی و ئابووری رایگه‌یاند، له‌سه‌ر بڕیاری ئه‌نجوومه‌نی وه‌زیران به هه‌مان میكانیزمی مانگی پێشوو واته به‌ڕێژه‌ی لێبڕینی ٢١% رۆژی چوارشه‌ممه، مووچه‌ی مانگی (حوزه‌یران/٦)ی ئه‌نجوومه‌نی ئاسایش و ده‌زگای ئاسایش دابه‌شده‌كرێت.
ئه‌مڕۆش له‌لایه‌ن بانكه‌كانه‌وه ده‌ست به‌دابه‌شكردنی مووچه‌ی مانگی (حوزه‌یران/٦)ی وه‌زاره‌تی په‌روه‌رده كرا، تاوه‌كوو ئێستا واده‌ی دابه‌شكردنی مووچه‌ی وه‌زاره‌ت و دامه‌زراوه‌كانی دیكه‌ی حكوومه‌ت نادیاره.
به‌رپرسانی داراییش هۆكاری سستی دابه‌شكردنی مووچه، بۆ نه‌گه‌ڕاندنه‌وه‌ی به‌شێك له داهاته‌كان بۆ خه‌زێنه‌ی حكوومه‌ت ده‌گه‌ڕێننه‌وه.
ئەم بابەتە 11992 جار خوێندراوەتەوە