بە هۆی پچڕانی بەردەوامی کارەبا ، سیستەمی دابەشکردنی ئاو لە پارێزگای ئیلام لە ڕۆژهەڵاتی کوردستان لە کار دەکەوێت

پەیامی کورد      ...    بە هۆی پچڕانی بەردەوامی کارەبا ، سیستەمی دابەشکردنی ئاو لە پارێزگای ئیلام لە ڕۆژهەڵاتی کوردستان لە کار دەکەوێت

پچڕانی کارەبا، دەبێتە هۆکاری ئەوەی کە سیستەمی دابەشکردنەوەی ئاوی ئیلامی لە کار بخرێت .
 
به پێی هەواڵ و زانیارییەکان بەهۆی بەرزی و نزمی و پچڕانی بەردەوامی کارەبا ئەلێکترۆپۆمپی بیری هاوکاری و هاویاری پارێزگای ئیلام سووتا و بوو بە هۆکاری ڕاوەستانی دابەشکردنی ئاو لەو شارەدا

به پێی ڕاپۆرتێک ئەمڕۆ چوارشەممە ٧ی جووڵای ٢٠٢١ ، چەن ناوچەیەک لە ئیلام لەوانە  بلواری ئیمام عەلی، فلکەی گۆڵان، خەباتکاران ، بەشی باشووری بلواری ڕۆژنامەنووسان ئاویان پچڕاو و بێ ئاو بوونە. 

پەیوەندییە گشتییەکانی کۆمپانیای ئاو و زێرابی ئیلام جەختی لەوە کردەوە کە کارمەندان لە هەوڵی ئەوەدان کێشەکە چارەسەر بکەن. 


ئەم بابەتە 11988 جار خوێندراوەتەوە