بە هۆی کەوتنەخوارەوەی کابینێکەوە زیاتر لە ٨ کەس بوونە قوربانی
پەیامی کورد ... بە هۆی کەوتنەخوارەوەی کابینێکەوە زیاتر لە ٨ کەس بوونە قوربانی .
میدیا خۆجەییەکان هەواڵ لە کوژرانی لانیکەم ٨ کەس بە هۆی کەوتنەخوارەوەی کابینێکی شەمەندەفەری کابلی یەوە لە ئیتاڵیا دەدەن .
بە پێی ڕاپۆرتێک کەناڵی میدیایی Rainews24 ڕایگەیاند لانیکەم ٨ کەس بە هۆی کەوتنەخوارەوەی کابینێکی شەمەندەفەری کابلی یەوە لە لە ناوچەی پیموونت لە ئیتاڵیا کوژران .
هەروەها ڕاگەێندراوە جگە لەم ٨ کەسە بارودۆخی تەندرووستی دوو منداڵ لەم ڕووداوەدا زۆر نالەبار ڕاگەیندراوە و ئەوانیان بۆ نەخۆشخانەکانی تۆرین گواستووەتەوە
ئەم ڕووداوە لە ڕێگای شەمەندەفەری کابلی کە گوندی ستێرسا لە کەنارئاوی دەریاچەی ماجیورە و کێوی مۆترۆن کە بەرزاییەکی نزیکەی ١٥٠٠ مەتری هەیە پێکەوە دەبەستێتەوە ڕوویداوە .
بە پێی ڕاپۆرتی میدیاکان لە کابینەکەدا ١٠ گەشتیار بوونیان هەبووە ئەم کابینە١٠٠ مەتری پێس گەیشتنی بە لووتکەی کێوەکە لە بەرزترین ئاستی بەرزایی دا کەوتووەتە خوارەوە
ئەم بابەتە 11994 جار خوێندراوەتەوە