پەیامی کورد     ...     بە پێی فەرمانێک بۆ زیاتر لە ١٦ هەزار لە کەس و کاری شەهیدان کارێکی گرینگ جێبەجێ دەکرێت

زیاتر لە ١٦ هەزار کەس و کاری شەهیدان فەرمانی پێدانی زەوییان هەیە و بریکاری وەزارەتی شەهیدانیش دەڵێت، بەهۆی نەبوونی زەویی ئامادەکراو پێشتر دابەشکردنی زەوی دوا کەوتووە.

بەڕەڤان حەمدی، بریکاری وەزارەتی شەهیدان ڕایگەیاند: "وەزارەت خەریکی پێداچوونەوەیە بە پرسی دابینکردنی زەوی بۆ کەس و کاری شەهیدان، چوونکە لە ڕابردوودا کێشەی نەبوونی زەوی ئامادەکراو هەبووە لە سنووری شارەوانییەکان، ئەوەش هۆکارە بۆ ئەوەی پێدانی زەوی بە کەس و کاری شەهیدان دوا بکەوێت."

بریکاری وەزارەتی شەهیدان و ئەنفالکراوان دەشڵێت: "لە سەرتاسەری هەرێمی کوردستان ١٦ هەزار کەس لە کەس و کاری شەهیدان و شەهیدانی شەڕی تیرۆریستانی داعش ڕەزامەندی سەرۆکایەتی ئەنجوومەنی وەزیرانیان هەیە بۆ وەرگرتنی زەوی."

بەڕەڤان حەمدی ئاماژەی بۆ ئەوە کرد: " هەردوو وەزارەتی شەهیدان و شارەوانی و گەشتوگوزار تاوتویێ پرسی زەویی شەهیدان دەکەن و دواتر ڕەوانەی سەرۆکایەتی ئەنجوومەنی وەزیران دەکرێت."

ئەم بابەتە 11986 جار خوێندراوەتەوە