بە پێی فەرمان و واژووی نێچیرڤان بارزانی سەرۆکی هەرێمی کوردستان سێ دادوەر بۆ پۆستى دادوەرى دادگاى پێداچوونه‌وه دامەزران
پەیامی کورد ... بە پێی فەرمان و واژووی نێچیرڤان بارزانی سەرۆکی هەرێمی کوردستان سێ دادوەر بۆ پۆستى دادوەرى دادگاى پێداچوونه‌وه دامەزران
نێچیرڤان بارزانى، سەرۆکى هەرێمى کوردستان، فەرمانى دامەزراندنى سێ دادوەرى بۆ پۆستى دادوەرى دادگاى پێداچوونه‌وه‌ى هه‌رێمى كوردستان / عيراق واژوو کرد
بەگوێرەی راگەێندراوی سەرۆکایەتی هەرێم، ئەمڕۆ یەکشەممە نێچیرڤان بارزانى، سەرۆکى هەرێمى کوردستان، فەرمانى دامەزراندنى سێ دادوەرى بۆ پۆستى دادوەرى دادگاى پێداچوونه‌وه‌ى هه‌رێمى كوردستان / عيراق واژژوو کرد کە بریتی بوون لە دادوەر مەسعوود خدر مەحموود بۆ پۆستى جێگرى سەرۆکى دادگاى تێهەڵچوونەوەى ناوچەى هەولێر، دادوەر غازى خەلیل تایە بۆ پۆستى جێگرى سەرۆکى دادگاى تێهەڵچوونەوەى ناوچەى دهۆک و دادوەر دارا محەمەد ئیبراهیم بۆ پۆستى جێگرى سەرۆکى دادگاى تێهەڵچوونەوەى ناوچەى هەولێر.
پاشان لە ڕێوڕەسمێکدا بە ئامادەبوونى دادوەر عەبدۆلجەبار عەزیز حەسەن سەرۆکى ئەنجوومەنى دادوەرى بەوەکالەت، هەرسێ ناوبراو سوێندى یاسایییان لەبەردەم سەرۆکى هەرێمى کوردستاندا خوارد و نێچیرڤان بارزانى پیرۆزبایى لێکردن و هیواى سەرکەوتنى بۆ خواستن.
بەگوێرەی دەستووری هەرێمی کوردستان، پۆستی دادوەران لەلایەن سەرۆکی هەرێمەوە دەدرێن و لەرێوڕەسمی تایبەتیدا رادەستپێردرێن بۆ دەستبەکاربوون.
ئەم بابەتە 11987 جار خوێندراوەتەوە