پەیامی کورد     ...   تاڵیبان جارێکی دیکەی هەڕەشەی هەڵگیرسانی شەڕ لەگەڵ تورکیا ڕادەگەێنێت

ووتەبێژی نووسینگەی سیاسی بزووتنەوەی تاڵیبان ڕایگەیاند : ئەگەر هێزەکانی تورکیا لە ئەفغانستان بمێننەوە ئەوە ئێمە لە دژی ئەوان شەڕ دەست پێدەکەین . کارێکی چاوەڕوان نەکراوە بە گرینگیدان بە بەها ئائینییەکان ، کلتووری و ڕەگەزی لە نێوان خەڵکی هەر دوو ووڵاتدا ، ئەفغانەکان دەربارەی ئەم هێزانە کەم و کۆڕی بکەن .

بە پێی راپۆرتێک موحەەمەد نەعیم ، ووتەبێژی نووسینگەی سیاسی تاڵیبان لە ووتووێژێکی تایبەت دا لەگەڵ عەرەبی ٢١ دا ووتی : ئێمە لەگەڵ مانەوەی هێزەکانی تورکیا لە ئەفغانستان لە چوارچێوەی پەیمانی ناتۆ و بە پێی ڕێکەوتننامەی نێوان ئانکارا و واشینتۆن بە بیانووی فەراهەم کردنی ئەمنییەتی فڕۆکەخانەی کابۆل و مەقەڕڕە دیپلۆماتییە بیانییەکانەوە دژایەتی دەکەین  . لە ئەگەری ئەوەی کە هێزەکانی تورکیا لە ئەفغانستان بمێننەوە ئەوە ئێمە لە دژی ئەوان شەڕ دەست پێدەکەین .

هەروەها ووتی : ئێمە پەیمانمان داوە تاکوو هێرشە نەکەینە سەر ژێرخانە سەرەکییەکان و بەرژەوەندی ووڵاتانی دیکە . ئانکارا پێشتر پەیمانی داوە کە هیچ هەنگاوێک کە لە لایەن ئێمەوە قەبووڵکراو نییە ئەنجامی نەدات . بەڵام بە داخەوە دواتر لە میدیاکان دا بیستمان کە ئەوان لە ئەفغانستان دەمێننەوە . ئەم بابەتە بە کۆتا هاتووە و هیچ گفتۆگۆیەک لەمبارەیەوە لەگەڵ تورکیا بوونی نییە هەرچەندە پەیوەندی گەلێک لە نێوان تاڵیبان و لایەنگەلی ناوچەیی جیاواز و چالاک لە بواری ئەفغانستان کە ئارەزوومەندی شەریکایەتی و دۆستایەتییەنا هەیە بوونی هەیە . هاوکاری پاکاستان لەگەڵ تورکیا لەم راستایەوە کێشەیەک بۆ ئێمە بەدی ناهێنێت . بە پێی ڕێکەوتنی ئاشتی لەگەڵ ئەمریکا نابێ هیچ لایەنێکی بیانی لە کاروباری ئەفغانستان دەستوەردان بکات . تاڵیبان سەلماندوویەتی کە بە شێوەیەکی فەرمی نوێنەری یاسایی خەڵکی ئەفغانستان ە .

نەعیم ووتی ؛ ڕوودانی شەڕی ناوخۆیی لە ئەفغانستان لەگەڵ دەرچوونی هێزەکانی ئەمریکی و شەریکەکانی لە ناتۆ سەرەڕای ئەوەی کە دەوڵەتی کابۆل ٣٠٠ هەزار سەربازی ڕاهێندراو و چەکداری هەیە زۆر دوورە و چاوەڕوان ناکرێت . هەر لە دوای کۆتایی پاشەکشەی هیزە بیانییەکانی دەوڵەتی کابۆل هەڵدەوشێتەوە . هێزەکانی ئەرتەشی لە خودی خەڵک ە و ئێمە دەتوانین بە بێ شەڕی ناوخۆیی لەگەڵ ئەوان بگەینە لێکتێگەیشتن .

 

ئەم بابەتە 11986 جار خوێندراوەتەوە