پەیامی کورد      ...   تاڵیبان هەواڵ لە داگیرکردنی ویلایەتی بەدەخشان دەدات .

تاڵیبان ڕایگەیاند کە توانیویەتی کۆنترۆڵی ویلایەتی بەدەخشان لە باکووری ڕۆژهەڵاتی ئەفغانستان بە دەستەوە بگرێت .

بە پێی ڕاپۆرتێک تاڵیبان لە بەیاننامەیەکدا هەوالێ لە داگیرکردن  و کۆنترۆڵکردنی فەیز ئاباد ، ناوەندی ویلایەتی بەدەخشان ، باڵەخانەی دەوڵەتی ، مەقەڕڕی پۆلیس ، ئیدارەی هەوڵگری خۆجەیی و باقی دامەزراوەگەلی ئەم ناوچەیە دا .

ئاژانسی هەواڵی پژواک یش پشتڕاستی کردووەتەوە میلیشیا سەربازییەکانی تاڵیبان کۆنترۆڵی زۆربەی ناوچەکانی ئەم ویلایەتەیان بە دەستوە گرتووە کە بریتی لە ناوەندی ئەوێ دەبێت و هێزە ئەمنییەتییەکانیان بەرەو پاش پاشەکشە پێکردووە . بەدەخشان نۆیەمین ویلایەتە کە لە لایەن تاڵیبان ەوە لە ماوەی کەمتر لە یەک هەفتەدا دەڕۆخێت و کۆنترۆڵ دەکرێت .

شاری فەراە ، ناوەندی ویلایەتی فەراە و هەروەها شاری پۆلخەمری ، ناوەندی ویلایەتی بغلان ڕۆژی سێشەممە کەوتە دەستی تاڵیبان . سەرچاوەگەلی خۆجەیی کۆنترۆڵ و داگیرکردنی ئەم دوو ناوەندەی ویلایەتەیان پشتڕاست کردووەتەوە .

عەبدۆلناسری فەراهی یەکێک لە یاسادانەرانی ئەفغان لە شاری فەراە ڕایگەیاند : تاڵیبان بەندیخانەی ناوەندی ویلایەتی فەراە یشی کۆنترۆڵ کردووە .

ئەم بابەتە 11990 جار خوێندراوەتەوە