پەیامی کورد    ...   تورکیا بۆ بە ئەندامبوونی فینلەندا و سوید لە ناتۆ مەرج دادەنێت

تورکیا بۆ بە ئەندامبوونی فینلەندا و سوید لە ناتۆ پاڵپشتی نەکردنی پەکەکە و یەپەگە دەکاتە مەرج

سەبارەت بە ئەندامبوونی فینلەندا و سوید لە ناتۆ لە لایەن بەرپرسانی تورکیاوە یەک لە سەر یەک بەیاننامە بڵاو دەکرێتەوە .

وەزیری دەرەوەی تورکیا مەولوود چاووش ئۆغڵۆ ڕایگەیاند : " ئەو ووڵاتانەی کە دەبنە ئەندام و هاوپەیمانی ناتۆ دەبێ پاڵپشتی لە ڕێکخراوەگەلی تێرۆریستی وەکوو پەکەکە و یەپەگە نەکات . ئەم دوو ووڵاتە " فینلەندا و سوید " هەر دوو بە شێوەیەکی ئاشکرا پاڵپشتی و پشتگیری لە " پەکەکە و یەپەگە " دەکەن .

بە پێی قسەکانی چاووش ئۆغڵۆ ، بە بیانووی پاڵپشتی و پشتگیری کردن لە پەکەکە و یەپەگە بە شێوەیەکی گشتی خەڵکی تورکیا نایانەوێت سوید و فینلەندا ببنە ئەندامی ناتۆ ، دەیانەوێت لە ئەندامبوونی ئەوان دا گێرەو کێشە و ئاستەنگی درووست بکەن .

سەرۆککۆماری تورکیا ڕەجەب تەئیب ئەردۆغان پێش دوو ڕۆژ لە دژی ئەندامبوونی ئەو دوو ووڵاتە لە ناتۆ ڕاگەێندراوی بڵاو کردبووەوە .

ئەم بابەتە 11988 جار خوێندراوەتەوە