پەیامی کورد     ...   تەرمی مووسا باباخانی ئەمڕۆ لە مەراسمێکدا بە خاک سپێردرا

تەرمی مووسا باباخانی، ئەندامی کۆمیتەی ناوەندیی حزبی دیموکراتی ئێران ئەمڕۆ سێشەممە لە شاری کۆیە بە خاک سپێردرا، دوای ئەوەی شەوی ٦ی ئەم مانگە لە یەکێک لە هۆتێلەکانی شاری هەولێر تیرۆرکرا.
بەیانی ئەمڕۆ سێشەممە تەرمی موسا باباخانی، ئەندامی کۆمیتەی ناوەندیی حزبی دیموکراتی ئێران لە گۆڕستانی حزبی دیموکرات لە کۆیە بە ئامادەبوونی بەرپرسانی و پێشمەرگە و کادیرانی حزبەکە نێژرا.

مووسا باباخانی ساڵی 1980 لە رۆژهەڵاتی کوردستان لە دایکبووە و لە تەمەنی ١٨ ساڵییەوە پەیوەندی کردوە بە حزبی دیموکراتی کوردستان (حدک) و لەوکاتەوە بێدابڕان پێشمەرگە بوە، هەروەها لە میدیاکانی حزبی دیموکرات کاریکردوە.
حزبی دیموکراتی کوردستان (حدک) 7ی ئەم مانگە لە راگەێندراوێکدا ئاشکرایکرد، مووسا باباخانی، ئەندامی کۆمیتەی ناوەندییان لە هەولێر لەلایەن دو

و کەسی "سەر بە کۆماری ئیسلامی ئێرانەوە رفێندراوە" و تەرمەکەی لە هۆتێلێکدا لە هەولێر دۆزراوەتەوە.

دەربارەی رووداوەکەوە بەڕێوبەرایەتی ئاسایشی پارێزگای هەولێر لە ڕاگەێندراوێکدا بڵاویکردەوە، رۆژی شەممە رێکەوتی 7-ئابی 2021 لە لایەن کارگێڕیی هۆتێل (گولی سلێمانی) لە شاری هەولێر ئاگادارکراونەتەوە لە رووداوێکی کوشتن لە ناو ئەو هوتێلە.
ئاماژەی بەوەشکردوە، "دوای گەیشتنی تیمەکانی لێکۆلینەوەی بەڕێوبەرایەتیمان، دەرکەوت کەسی کوژراو هاوولاتی کوردی رۆژهەڵات بە ناوی (موسا بابە خانی)، لێکۆلینەوە لە تاوانەکە دەستیپێکردوە و دوای تەواوبونی لێکۆڵینەوە ئەنجامەکەی رادەگەیەندرێت".

ئەم بابەتە 11992 جار خوێندراوەتەوە