پەیامی کورد     ...    تەقینەوەیەک لە کارگەی ئاسنی هەولێر ڕوویدا و کوژراو و بریندار هەیە 

بە پێی هەواڵ و زانیارییە سەرەتاییەکان تەقینەوەیەک لە کارگەی ئاسنی هەولێر ڕوویدا و کەسیک گیانی لە دەستدا و سێ کەس بریندارە.

بەگوێرەی زانیارییەکان تەقینەوەکە لەناو کارگەیەکی ئاسن روویداوە کاتێک چەند کرێکارێک ویستوویانە ئاسنەکان بەمەبەستی تواندنەوەیان بخەنەناو کورەی ئاگر، بەڵام یەکێک لە پارچە ئاسنەکان نارنجۆکێکی کۆن بوە و تەقیوەتەوە.

لەئەنجامی روداوەکەش کە ئێوارەی ئەمڕۆ رویداوە، کرێکارێک گیانی لەدەستداوە و سێ کرێکاری دیکەش برینداربوون، بریندارەکانیش لە نەخۆشخانەکانی هەولێر چارەسەریان بۆ کراوە.

بەرپرسانی ناحیەی کەورگۆسک لەبارەی رووداوەکە دەڵێن، تائێستا نازانن هۆکاری رووداوەکە چی بوە، بەڵام هێزە ئەمنییەکان پەڕاوی لێکۆڵینەوەیان بۆ رووداوەکە کردوەتەوە و لێکۆڵینەوە لەروداوەکە دەستیپێکردوە.