تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە
پەیامی کورد ... تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە
وه‌زاره‌تی ته‌ندرووستی رایگه‌یاند : له دوێنێوه ٢٤٨ تووشبووی نوێی كۆرۆنا تۆماركراون و ١٧٧ نه‌خۆشیش چاکبوونه‌ته‌وه و ٩ نه‌خۆشیش گیانیان له‌ده‌ستداوه.
وه‌زاره‌تی ته‌ندرووستی حكوومه‌تی هه‌رێمی كوردستان له‌راگه‌ێندراوێكدا بڵاویكرده‌وه، له دوێنێوه چوار هه‌زار و ٣٥٦ پشكنینی نوێی كۆرۆنا كراون، هه‌زار و ٥٣٢ له هه‌ولێر، ٦٥٧ له سلێمانی، دوو هه‌زار و ٤٧ له دهۆك، ٢٦ له هه‌ڵه‌بجه، ٧٨ له گه‌رمیان و ١٦ له راپه‌ڕین بوون، ٢٤٨ تووشبووی ڤیرووسه‌كه تۆماركراون، ٩٧ له هه‌ولێر، ٦٩ له سلێمانی، ٦٥ له دهۆك، ٤ له هه‌ڵه‌بجه، ١٣ له گه‌رمیان بوون.
ئاماژه‌ی به‌وه‌شكردوه، ١٧٧ نه‌خۆش چاكبوونه‌ته‌وه، كه ١٠٧ له هه‌ولێر، ٢٣ له سلێمانی، ٧ له دهۆك، ٩ له هه‌ڵه‌بجه، ٣١ له گه‌رمیان بوون، ٩ كه‌سیش گیانیان له‌ده‌ستداوه، ٤ كه‌س له هه‌ولێر، ٢ كه‌س له سلێمانی، یه‌ك كه‌س له دهۆك، یه‌ك كه‌س له گه‌رمیان و یه‌ك كه‌سیش له راپه‌ڕین بوون.
ئەم بابەتە 12002 جار خوێندراوەتەوە