تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە
پەیامی کورد ... تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە .
وه‌زاره‌تی ته‌ندرووستی هه‌رێمی كوردستان رایگه‌یاند، له دوێنێوه ٨ هەزار و ٥٥٤ پشكنینی كۆرۆنا كراون و تێیدا دەرکەوتوە ٧٤٦ کەس هەڵگری ڤایرۆسەکەن و ٤٨١ تووشبووش چاكبوونه‌وه،چوار تووشبووش گیانیان لە دەستداوە.
وه‌زاره‌تی ته‌ندرووستی حكوومه‌تی هه‌رێمی كوردستان له‌راگه‌ێندراوێكدا بڵاویكرده‌وه، له ٢٤ كاتژمێری رابردوودا ٨ هەزار و ٥٥٤ پشكنینی كۆرۆنا كراون، له‌نێویاندا ٧٤٦ تووشبووی نوێی كۆرۆنا تۆماركراون، كه ٣١٢ له هه‌ولێر، ٢٧٢ له سلێمانی، ١٠٢ تووشبووش له دهۆك، دە تووشبوو لە هەڵەبجە، ٤٤ لەگەرمیان و پێنج کەسیش لەراپەڕین تۆماركراون.
ئاماژه‌ی به‌وه‌شكردوه، ٤٨١ تووشبوو چاكبوونه‌ته‌وه، هه‌روه‌ها ٤ كه‌سیش گیانیان لە دەستداوە ، ٣ له هەولێر و یەک کەسیش لەدهۆک، له گه‌رمیان و سلێمانی هیچ حاڵەتێکی مردن تۆمارنەکراوە.
ئەم بابەتە 11987 جار خوێندراوەتەوە