پەیامی کورد     ...    تەندرووستی هەرێمی کوردستان ئاماری نوێی تووشبووان و قوربانیانی کۆرۆنا بڵاو دەکاتەوە

وەزارەتی تەندرووستی هەرێمی کوردستان رایگەیاند، لەدوێنێوە ١٢٥٥٣ پشکنینی تایبەت بە کۆرۆنا ئەنجامدراون و لەو ژمارەیەش ٢٣٨٠ تووشبووی نوێ تۆمارکراون و ٢١ تووشبووی پەتاکەش گیانیان لەدەستداوە.

وەزارەتی تەندرووستی هەرێمی کوردستان لەراگەێندراوێکدا ئاماژەی بەوەشکردوە، لەماوەی ٢٤ کاتژمێری رابردوودا ٢٣٨٠ تووشبووی نوێ تۆمارکراون کە زۆرترین ژمارەیان لەسنوری پارێزگای سلێمانی بوون.

ئەوەش هاتووە، لەو ماوەیەدا ٦١٥ تووشبوو چاکبوونەتەوە و ٢١ تووشبووی پەتاکەش گیانیان لە دەستداوە کە بەگوێرەی پارێزگاکان بەم شێوەیە بوون هەولێر ٢ کەس، لەگەرمیان ٢ کەس، هەڵەبجە ٢ کەس، سلێمانی ٨ کەس و لە دهۆکیش ٧ تووشبوو گیانی لەدەستداوە.

ئەم بابەتە 11990 جار خوێندراوەتەوە