جۆ بایدن ڕەزامەندی بۆ مانەوەی هێزەکانی ووڵاتەکەی لە ڕۆژئاوای کوردستان دەبڕی
پەیامی کورد ... جۆ بایدن ڕەزامەندی بۆ مانەوەی هێزەکانی ووڵاتەکەی لە ڕۆژئاوای کوردستان دەبڕی
جۆ بایدن سەرۆککۆماری ئەمریکا ڕەزامەندی دەربڕیوە بە مانەوەی نزیکەی ٩٠٠ هێزی ئەمریکی لە ناوچەکانی ژێر دەسەڵاتی کوردەکانی ڕۆژئاوا.
دوو بەرپرسی ئەمریکی بە ناوی جۆی هوود ڕاوێژکاری وەزیری دەرەوەی ئەمریکا بۆ کاروباری ڕۆژهەڵاتی نزیک و پاتریک وێرمەن بریکاری سەرۆکی نووسینگەی هاوپەیمانی دژی داعش لە پرێس کۆنفرانسێکی وەزارەتی دەرەوەی ئەمریکا جەختیان کردە سەر بەردەوام‌بوونی ئەمریکا لە پشتیگریکردنی هێزەکانی سووریای دێموکراتیک و مانەوەی هێزەکانی ئەمریکا لە ناوچەکانی ژێر دەسەڵاتی کوردەکانی ڕۆژئاوا.
بە گوێرەی ڕاپۆرتەکان ئەو پرێس کۆنفرانسە لە ماڵپەڕی وەزارەتی دەرەوەی ئەمریکا بڵاو کراوەتەوە و جۆی هوود لەو بارەیەوە دەڵێت: ئێمە خوازیاری ئەوەین هێزی سەربازی سنووردار بکرێت لە باکووری ڕۆژهەڵاتی سووریا لە بەر ئەوەی بە یارمەتی هێزەکانی سووریای دیموکراتیک بەردەوام بین لە بەرپەرچدانەوەی داعش و سەقامگیرکردنی ناوچە ئازادکراوەکانی بندەستی داعش.
هەروەها پاتریک وێرمەنیش ئاماژەی بەوە کرد کە جۆ بایدن سەرکۆماری ئەمریکا پشتگیریی مانەوەی هێزە ئەمریکییەکان لە ڕۆژئاوای کوردستان دەکات، ئەوەش بە مەبەستی ڕێگریکردن لە گەڕانەوەی داعش.
ناوبراو جەختیشی کردووەتەوە کە هاوپەیمانی دژی داعش زیانی کەمی لە شەڕی داعشدا بینیوە بەڵام کوردەکان ئەرکی سەرەکیی ئەو شەڕەیان لەسەر شان بووە و نزیکەی ١٠ هەزار کەس لەو هێزانە لە شەڕی داعشدا گیانیان بەخت کردووە.
ئەم بابەتە 11995 جار خوێندراوەتەوە