پەیامی کورد   ...   جێگری کاندیدی ترامپ : شەڕ لەگەڵ ئێران لە بەرژەوەندی ئەمریکادا نییە

کاندیدی ترامپ بۆ پۆستی جێگری سەرۆک کۆماری ئەمریکا ڕایگەیاند، شەڕ لەگەڵ ئێران لە بەرژەوەندی ئەمریکادا نییە.

بە پێی ڕاپۆرتێک ، جەی دی ڤانس کاندیدی جێگری سەرۆک کۆماری دۆناڵد ترامپ لە هەڵبژاردنی سەرۆک کۆماری، ڕۆژی شەممە لە وتووێژێکدا بە ئاماژە بە پێشهاتەکانی ناوچەکە و بە تایبەت پەرەسەندنی گرژییەکان ەوە ڕایگەیاند و ووتی: "ئەمریکا پشتگیری ئیسرائیل دەکات." بەڵام لە هەندێک کاتدا ئامانج و بەرژەوەندییەکانی ئەمریکا لەگەڵ ئامانج و بەرژەوەندییەکانی ئیسرائیل دا ناکۆکن”.

لە درێژەدا ووتی : هەر شەڕێک لەگەڵ ئێران لە بەرژەوەندی ئەمریکادا نییە. پێویستە ئەولەویەتی ئەمریکا ئەوە بێت کە نەچێتە ناو شەڕێکی ڕاستەوخۆ لەگەڵ ئێران، چوونکە هەر ململانێیەک لەگەڵ ئەم ووڵاتە بە مانای لەدەستدانی ئەو سەرچاوانەی ئەمریکا دەبێت کە پێویستیانە.

ڤانس ڕایگەیاند : تێچووی شەڕ لەگەڵ ئێران بۆ ئەمریکا زۆر زۆر دەبێت.

کاندیدی جێگری سەرۆک کۆماری ترامپ دان بەوەدا دەنێت کە هەر شەڕێک لەگەڵ ئێران تێچووی زۆری هەیە بۆ ئەمریکا، لە کاتێکدا کەمالا هاریس، جێگری سەرۆکی ئەمریکا و کاندیدی پارتی دیموکرات لە هەڵبژاردنەکانی سەرۆکایەتی ئەم ووڵاتەدا، پێداگری لەسەر پشتیوانی ئەو ووڵاتە دەکات بۆ ئیسرائیل و کردەوەکانی داگیرکەر پیرۆزە.

لە ووڵامی دەستدرێژی ئیسرائیل بۆ سەر ئێران، هاریس وێڕای دەربڕینی پشتیوانی خۆی بۆ ڕژێمی داگیرکەر، خوازیاری ئەوە بوو کە ئێران کاردانەوەی بەرامبەر ئەم دەستدرێژییە نەدات.

لە لایەکی دیکەوە لێدوانەکانی هاریس و پشتیوانی لە ئیسرائیل کاردانەوەی "دۆناڵد ترامپ"، سەرۆکی پێشووی ویلایەتە یەکگرتووەکانی ئەمریکا و کاندیدی پارتی کۆماریخواز لە هەڵبژاردنە سەرۆکایەتییەکانی ئەم ووڵاتەدا ورووژاند.

ڕۆژی شەممە لە میتینگێکی بانگەشەی هەڵبژاردنەکاندا، سەرۆکی پێشووی ئەمریکا دووپاتیکردەوە کە ئەو تاکە کەسە کە دەتوانێت ڕێگری لە ململانێیەکی سەرتاسەری جیهانی بکات. ئەو ئاماژەی بەوەدا کە ڕکابەرەکەی لە دیموکراتەکان، کامالا هاریس، "گەرەنتی" دەکات بۆ چوونە ناو جەنگی جیهانی سێیەمی ئەمریکا "چوونکە زۆر بێتوانایە و زۆر بێ توانایە بۆ ئەوەی ئەو کارە بکات".

ترامپ ووتی: کردنی بە سەرۆک کۆمار، قومارکردنە بە ژیانی ملیۆنان کەس. "کوڕان و کچان لە کۆتاییدا دەخرێنە سەربازگە بۆ شەڕکردن لە وڵاتێکدا کە هەرگیز ناویت نەبیستووە".

دۆناڵد ترامپ لە ووتاری قبووڵکردنی سەرەتای ئەمساڵدا بەڵێنی دا "کۆتایی بهێنێت بە هەموو قەیرانێکی نێودەوڵەتی کە ئیدارەی ئێستا دروستی کردووە، بەتایبەتی ململانێکانی ئۆکراین و غەززە". ئەو هەرگیز پلانی دیاریکراوی بۆ بەرقەرارکردنی ئاشتی جیهانی نەخستۆتەڕوو، بەڵام چەندین جار هۆشداری داوە کە بە پاڵپشتی و پارەدارکردنی "جەنگی گەلانی دیکە" بە سەرکردایەتی جۆ بایدن، سەرۆکی ئەمریکا و جێگری سەرۆکەکەی، ئەگەری خلیسکانی ئەمریکا بۆ جەنگی جیهانی سێیەم زیاتر دەبێت.

هەفتەی ڕابردوو ترامپ لە پلاتفۆرمی "ڕاستی کۆمەڵایەتی"ی خۆیدا ووتی: ئەگەر کامالا بۆ ماوەی چوار ساڵی دیکە لە پۆستەکەیدا بێت، ئەوا ڕۆژهەڵاتی ناوەڕاست چوار دەیەی داهاتوو بە ئاگرەوە بەسەر دەبات و منداڵەکانتان دەچنە شەڕەوە.

لێدوانەکانی کاندیدی سەرۆکایەتی ئەمریکا و ئەندامانی تیمەکەیان لە کاتێکدا کە بارەگای بەرگری ئاسمانی ئێران سەرلەبەیانی ڕۆژی شەممە لە بەیاننامەیەکدا ڕایگەیاند کە سەرەڕای هۆشداری پێشووی کاربەدەستانی کۆماری ئیسلامی بە ئیسرائیل بۆ خۆپاراستن لە هەر کارێکی سەرگەردانانە، ئەم  ووڵاتە ساختەیە هەیبووە خەریکی کردەوەیەکی گرژییە، هێرشی کردووەتە سەر بەشێک لە ناوەندە سەربازییەکانی پارێزگاکانی تاران، خووزستان و ئیلام و لە کاتێکدا کە بە سەرکەوتوویی لەلایەن سیستەمی بەرگری ئاسمانی یەکگرتووی ووڵاتەوە بەم چالاکییە شەڕانگێزانە ڕێگری لێکرا و بەرپەرچدرایەوە، بەڵام زیانێکی سنووردار بە هەندێک ناوچە کەوتووە ، و ڕەهەندەکانی ئەم ڕووداوە لە ژێر لێکۆڵینەوەدایە .

سەید عەباس عێراقچی وەزیری دەرەوەی ئێران لەم دواییانەدا لە ووتووێژێکدا سەبارەت بەم کردەوە شەڕئەنگێزانەی ئیسرائیل ووتی: هەوڵەکانی کۆماری ئیسلامی لە هەموو ڕەهەندەکانیدا بە هەماهەنگی تەواو لەگەڵ مەیدان و دیپلۆماسی دایە و دوژمنان ناچار دەکات بە سیاسەتەکانیاندا بچنەوە، لە میانی چەند هەفتەی ڕابردوو هەروەک چۆن هێزە سەربازییەکانمان چالاک بوون، سیاسەتی دەرەوەی ئێمەش چالاک بووە و ئەمەش وایکرد ووڵات بەرەنگاری هەڕەشەی دوژمنان بێتەوە و لێدانەکانیش وەکوو ڕیکلام نەبوون و بەرخۆدانی باش لەلایەن هێزە سەربازییەکانمانەوە ئەنجامدرا و لە ئا ژمارەیەک لە کارمەندانی سەربازی لەسەر ئەم ڕێگایە شەهید بوون.

وەزیری دەرەوەی ئێران جەختی کردەوەو و ووتی: خوێنی شەهیدانمان ناڕێژین و مافی ووڵامدانەوەی ئه و کردەوەی ئیسرائیلمان هەیه و له کاتی گونجاودا ئەنجام دەدرێت.