حکوومه‌تی عێراق ، ٢٠٠ ملیار دینارەکەی خسته سه‌ر هه‌ژماری بانكی هه‌رێمی كوردستان
پەیامی کورد ... حکوومه‌تی عێراق ، ٢٠٠ ملیار دینارەکەی خسته سه‌ر هه‌ژماری بانكی هه‌رێمی كوردستان.
سه‌رچاوه‌یه‌ك له حكوومه‌تی هه‌رێم رایگه‌یاند، ئه‌و ٢٠٠ ملیار دیناره‌ی كه حكوومه‌تی عێراق بڕیاریدابوو ره‌وانه‌ی هه‌رێمی كوردستانی بكات، ئه‌مڕۆ وه‌زاره‌تی دارایی حكوومه‌تی فیدڕاڵ خستوویه‌تیه سه‌ر هه‌ژماری بانكی هه‌رێم.
ئه‌و سه‌رچاوه‌یه‌ی حكوومه‌تی هه‌رێم، هیچ روونكردنه‌وه‌یه‌كی زیاتری له‌باره‌ی شێوازی خه‌رجكردنی ئه‌و بڕه پاره‌یه‌ی به‌غدا نه‌خسته‌ڕوو، ته‌نها ئاشكرایكرد، گه‌یشتوه‌ته هه‌ولێر.
١٥ی مانگی رابردوو، ئه‌نجوومه‌نی وه‌زیرانی عێراق بڕیاریدا مانگانه ٢٠٠ ملیار دینار بۆ هه‌رێمی كوردستان بنێرێت، بڕیاره‌كه‌ش تا ئه‌و كاته كاری پێده‌كرێت كه وورده‌كاری دارایی نێوان هه‌رێم و به‌غدا رێكده‌خرێت و دواتریش بڕی پاره‌كه زیاد یان كه‌م ده‌كات.
هه‌ر له‌وباره‌یه‌شه‌وه، مه‌سروور بارزانی سه‌رۆكی حكوومه‌تی هه‌رێمی كوردستان رایگه‌یاندبوو، رێككه‌وتنی نێوان حكوومه‌تی هه‌رێمی كوردستان و حكوومه‌تی فیدڕاڵی كراوه، بۆ ناردنی بوودجه‌ی هه‌رێمی كوردستان و هه‌نگاوێكی باش ده‌بێت، بۆ زیاتر په‌ره‌پێدان به ئابووری كوردستان، له‌وانه‌ش، مووچه‌ی خه‌ڵك.
ئەم بابەتە 11989 جار خوێندراوەتەوە