پەیامی کورد     ...   حێزبۆڵڵای لۆبنان بەرپرسیاریەتی هێرشە مووشەکییەکانی سەر ئیسرائیل ی گرتە ئەستۆ .

حێزبۆڵلای لۆبنان بەرپرسیاریەتی هێرشە ڕاکێتییەکانی بۆ سەر بەرزاییەکانی جەولان و الجلیل گرتە ئەستۆ .

بە پێی ڕاپۆرتێک ، حێزبۆڵلا لە بەیاننامەیەکدا ڕایگەیاند ئەم هێرشانە لە ووڵامدانەوەیەک بە داگیرکارییە ئاسمانییەکانی ئیسرائیل لە شەوی ڕابردوودایە کە لە سەرزەوینەکانی ناوچەی الجرمق و الشواکیر ی لۆبنان دا ئەنجام دراوە .

حێزبۆڵلا لە بەردەوامی دا ڕایگەیاند : کۆمەڵەی شەهید " عەلی کامل موحسین " و شەهید " موحەمەد قاسم طحان " لە کاتژمێر ١١:١٥ خولەکی پێش نیوەڕۆی ئەمڕۆ لە ووڵامدانەوە بە داگیرکارییەکانی ئەم دواییەی ئیسرائیل ، ناوچەگەلێک لە باخاتی شەعبای بە دەیان ڕاکێتی ١٢٢ میلی مەتری یەوە کردووەتە ئامانج .

ئەمە لە حاڵێکدایە کە پێشتر ئەرتەشی ئیسرائیل لە دوای هێرشی ڕاکێتی دووبارە لە باشووری لۆبنان ، دەنگی مەترسی و هۆشداری لە بەرزاییەکانی جەولان و الجلیل لێدراوە و ڕایگەیاند .

سەرچاوە میدیاییەکانی ئیسرائیل هەروەها ڕایانگەیاند لانیکەم ١٠ ڕاکێت لە ناوچەی شەعباوە بەرەو الجلیل هاوێشتراوە .

دوو ڕۆژ پێشتریش ، دوو ڕاکێت لە لۆبنان ەوە بەرەو ئیسرائیل هاوێشتراوە کە ئەرتەشی ئیسرائیل لە کاردانەوە بەم هێرشەدا باشووری لۆبنانی کردووەتە بەر ئامانجی هێرشی تۆپخانەیی یەوە .

ئەم بابەتە 11988 جار خوێندراوەتەوە