حەسەن نەسرووڵڵا بۆ جارێکی دیکە ڕایگەیاند کە ڕێژیمی ئێران بەبێ میچ منەت نانێک یارمەتییان دەدات

''حەسەن نەسرووڵڵا'' ڕابەری حیزبۆڵڵای لوبنان لە بەرنامەیەکی تەلەڤزیۆنیدا ڕایگەیاند : ڕێژیمی ئێران هیچکات بەرامبەر یارمەتییەکانی خۆی بۆ حیزبۆڵڵا منەتی نەناوە و هاوکاری و یارمەتی پێ گەیاندووین .

ناوبراو هەروەها ووتوویەتی : ''ئێران ڕایگەیاندووە کە ئامادەیە بۆ ئێمە لە لوبنان مێترۆ و ووزەخانەی کارەبا دابمەزرێنێت".

یارمەتییە ئاشکرا و بێ منەتانەکانی ڕێژیمی ئێران بۆ گرووپە تێرۆریستییەکان لە کاتێکدایە کە خەڵکی ئێران لەوپەڕی هەژاری و نەهامەتیدا ژیان دەکەن و لە ئێستادا زیاتر لە ٦٠ لەسەدی خەڵک لەژێر هێڵی هەژاریدا ژیان بەسەر دەبەن.

هەروەها دوای تەشەنەسەندنی ڤایرۆسی کۆرۆنا دەیان هەزار کەس بەهۆی نەبوونی واکسەنی ستاندارد گیانیان لەدەست دا.