پەیامی کورد     ...   حەیدەر قوربانی بەندکراوی سیاسی کورد لە مەترسی جیددی لە سێدارەدان دایە .

بە پێی ڕاپۆرتگەلی گویشتوو لە ماوەی ڕۆژانی ڕابردوودا دادگای باڵای گشتی شاری سنە داواکاری دیوانی باڵای بۆ پێداچوونەوە بە دۆسیەی حەەیدەر قوربانی ڕەت کردووەتەوە و حۆکمی لە سێدارەدانی ئەوی بۆ جێبەجێ کردنی حۆکمەکانی شارۆچکەی کامیاران ناردووە .

حەسەن قوربانی برای حەیدەر لەم پەیوەندییەدا ڕایگەیاندووە : ئێمە بە پێی ماددەی ٤٧٧ داوامان لە دیوانی باڵا کردبوو کە حۆکمی حەیدەری قوربانی بە پێچەوانەی شەرع و بە پێچەوانەی یاساکانەوە دەرکراوە و ئەوانیش ئەم دۆسییەیان بۆ پێداچوونەوە بۆ دادگای باڵای گشتی سنە ناردووە . من ڕۆژی دووشەممە سەردانی دادگای باڵای گشتی شاری سنە م کرد و ئەوان پێیان ڕاگەیاندنم، کە ئێمە داواکارییەکەی ئێوەمان ڕەت کردووەتەوە و حۆکمەکەمان بۆ جێبەجێ کردنی حۆکمەکانی کامیاران ناردووە .

قوربانی هەروەها ووتی : ئەمڕۆ چوارشەممە سەردانی جێبەجێ کردنی حۆکمەکانی کامیاران م کرد و ئەوانیش ووتیان کە بەم زووانە ئەم حۆکمە دەگەێندرێتە بەندیخانەی ناوەندی شاری سنە و حۆکمەکەی حەیدەر قوربانی جێبەجێ دەکرێت

ئەم بابەتە 11992 جار خوێندراوەتەوە