پەیامی کورد      ...     دابەشکردنی مووچەی چەند شوێنێکی دیکە لە لایەن وەزارەتی دارایی و ئابوورییەوە راگەێندرا

وەزارەتی دارایی و ئابووری رایگەیاند، سبەی سێشەممه‌ مووچه‌ی وەزارەتی ناوخۆ و بەڕێوبەرایەتی گشتی ڕەگەزنامە و رۆژی چوارشەممە مووچەی هێزەکانی زێرەڤانی و بەرگری و فریاکەوتن و لیوای نەوت دابەش دەکرێت.
وەزارەتی دارایی و ئابووری حکوومەتی هەرێمی کوردستان بڵاویکردەوە، له‌سه‌ر بڕیاری ئه‌نجوومه‌نی وه‌زیران به‌ هه‌مان میكانیزمی مانگی پێشوو رۆژی سێشەممه‌ ڕێکەوتی 2021/6/29 مووچه‌ی وەزارەتی ناوخۆ و بەڕێوبەرایەتی گشتی ڕەگەزنامە دابه‌ش ده‌كرێت

ئاماژەی بەوەشکردوە، ڕۆژی چوارشەممە ڕێکەوتی 2021/6/30 مووچەی هێزەکانی زێرەڤانی و بەرگری و فریاکەوتن و لیوای نەوت دابەش دەکرێت.
بەپێی راگەێندراوەکەی وەزارەتی دارایی و ئابووری، ئەم مانگەش مووچە بە لێبڕینی 21% دابەش دەکرێت، مووچەی پلە باڵاکانیش بە لێبڕینی 50%  دابه‌شدەکرێت.

ئەم بابەتە 11993 جار خوێندراوەتەوە