دەرباز کۆسرەت ڕەسووڵ لە ڕاگەیندراوێکدا پەیامێک بڵاو دەکاتەوە
پەیامی کورد ... دەرباز کۆسرەت ڕەسووڵ لە ڕاگەیندراوێکدا پەیامێک بڵاو دەکاتەوە
ده‌رباز كۆسره‌ت ڕه‌سووڵ كارگێڕی مه‌كته‌بی سیاسی یه‌كێتی نیشتمانی كوردستان رایگه‌یاند، یه‌كێتی ئامانجیه‌تی ململانێ سیاسییه‌كان بگوازێته‌وه هه‌ولێر و یه‌كێتییه‌كی به‌هێز له‌هه‌ولێر ده‌توانێت ببێته باشترین داكۆكیكاری مافی خه‌ڵك.
به‌گوێره‌ی راگه‌ێندراوێكی نووسینگه‌ی راگه‌یاندنی ده‌رباز كۆسره‌ت ره‌سووڵ، ئه‌مڕۆ چوارشه‌ممه له باره‌گای مه‌كته‌بی سیاسی له شاری هه‌ولێر، ده‌رباز كۆسره‌ت ڕه‌سووڵ كارگێڕی مه‌كته‌بی سیاسی یه‌كێتی له‌گه‌ڵ ئه‌فسه‌رانی باڵای یه‌كێتی له وه‌زاره‌ته‌كانی پێشمه‌رگه‌و ناوخۆ و ده‌زگای ئاسایش كۆبوه‌وه، له دیداره‌كه‌دا گفتوگۆ كرا له‌باره‌ی ئاماده‌كارییه‌كانی یه‌كێتی بۆ هه‌ڵبژاردنی په‌رله‌مانی عێراق و به‌شداری سه‌رجه‌م چین و توێژه‌كان له سه‌رخستنی لیسته‌كه.
له‌و دیداره‌دا، ده‌رباز كۆسره‌ت ره‌سووڵ رایگه‌یاندوه، "یه‌كێتی ئه‌و هێزه‌یه ده‌توانێت داكۆكی له‌مافی خه‌ڵك بكات و به‌هێزبوونی یه‌كێتی راستكردنه‌وه‌ی باڵانسی هێزه و به به‌هێزبوونی یه‌كێتی ده‌توانرێت خزمه‌تی باشتری خه‌ڵك بكرێت".
هه‌ر به‌گوێره‌ی راگه‌ێندراوه‌كه، به‌شێكی تری كۆبوونه‌وه‌كه گفتوگۆكردن بو له‌باره‌ی ئاماده‌كارییه‌كانی یه‌كێتی بۆ هه‌ڵبژاردن له هه‌ولێر، ده‌رباز كۆسره‌ت ڕه‌سوڵ باسی له‌وه‌كردوه، "یه‌كێتی ئامانجیه‌تی ململانێ سیاسییه‌كان بگوازێته‌وه هه‌ولێر و یه‌كێتییه‌كی به‌هێز له‌هه‌ولێر ده‌توانێت ببێته باشترین داكۆكیكاری مافی خه‌ڵك و جێبه‌جێكاری مافه ده‌ستوورییه‌كانی گه‌له‌كه‌مان له عێراق".
له‌راگه‌ێندراوه‌كه‌دا هاتوه، كۆبوونه‌وه‌كه به گفتوگۆی به‌شداربوانی كۆبوونه‌وه‌كه‌و هه‌ڵسه‌نگاندنی دۆخه‌كه‌و هه‌وڵدان بۆ كاركردنی زیاتری یه‌كێتییانه له‌پێناو سه‌رخستنی لیستی یه‌كێتی كۆتایی هات.
ئەم بابەتە 11991 جار خوێندراوەتەوە