سکۆت ڕیتەر، ئەفسەری پێشووی هەواڵگری سەربازی ئەمریکا ڕایگەیاند : ڕووسیا دەرگاکانی نەداخستووە، کراوەیە بەڕووی یەکلاییکردنەوەی ئاشتیانەدا، بەڵکوو تەنها بە مەرجێک کە لەلای خۆیەوە قبووڵکراوە.
بەگوێرەی ڕاپۆرتێک ، سکۆت ڕیتەر، ئەفسەری پێشووی هەواڵگری سەربازی ئەمریکا، لە چاوپێکەوتنێکدا لەگەڵ سپۆتنیک ووتی : ڤلادێمیر پووتین بە ڕوونی ڕایگەیاندووە کە هەر هێزێکی ئەمریکی یان ئەورووپی لەسەر خاکی ئۆکراین بە دوژمنایەتییەکی سروشتی دادەنرێت و دەکرێتە ئامانج بۆ هێرشکردن. جگە لەوەش هەر هەوڵێک بۆ دەستێوەردانی ڕاستەقینە، واتە هاتنە ناوەوەی چەندین هێز و هتد، بە دەستێوەردانی ڕاستەوخۆ دادەنرێت، کە دەتوانێت ببێتە هۆی ململانێی ڕاستەوخۆ لە نێوان ڕووسیا و ناتۆ، واتە گەڕانەوە بۆ پرسی شەڕی ئەتۆمی.
ناوبراو ئاماژەی بەوەدا کە هێشتا دەرگاکانی ڕووسیا کراوەن بۆ چارەسەری ئاشتیانە، بەڵام قسەکانی سەرۆکی ڕووسیا لە چوارچێوەی دانووستانەکانی ئاشتی لەگەڵ ئۆکراین ئاماژەیەکی باش نییە. باسی لە دەنگۆی بەکارهێنانی ماددە هۆشبەرەکان کرد لەلایەن سەرۆکی ئۆکراین . پووتین ووتی: هەر دانووستانێکی نێوان ڕووسیا و ئۆکراین پێویستە لەسەر بنەمای ئێستا و ڕاستی بێت و نابێت پشت بە ماددە دەروونی چالاکەکان ببەستێت.
ڕیتەر ئاماژەی بەوەش کردووە: متمانەی بە ئەمریکا نییە. لەم چاوپێکەوتنەدا بە ڕوونی ئەمەی ڕاگەیاندووە. بەڵام هەروەها ووتی کە هەر پەیوەندییەکی داهاتوو دەبێت لەسەر بنەمای ڕێککەوتنی وورد و دانووستاندن بێت کە گەرەنتی و دڵنیایی نووسراوی هەبێت. ئەمە خاڵێکی زۆر بەرزە، بە تایبەت بە لەبەرچاوگرتنی دۆخی خراپی ئێستای پەیوەندییەکانی ڕووسیا و ئەمریکا.
جەختی لەوە کردەوە: مەسەلەکە ئەوەیە کە ئەوانەی چاوەڕێی بینینی ڕووسیایەکی دۆڕاو و لاواز و ملکەچ بوون، بە پێچەوانەوە قەناعەتیان پێکرابوو - ئەمە بە هیچ شێوەیەک ئەو ڕووسیایە نییە کە ڤلادێمیر پووتین لە چاوپێکەوتنەکەیدا پێشکەشی جیهانی کرد. بەپێچەوانەوە ئاماژەی بەوەدا کە ڕووسیا نایەوێت ململانێ درووست بکات، بەڵام ئەگەر کەسێک دەست پێ بکات، ئەوا بە بەرژەوەندی بەدەستی دەهێنێت. وە ئەگەر ووڵاتانی تر بەدوای ئاشتی لەگەڵ ڕووسیادا بگەڕێن، ئەوا بە مەرجێک ئەنجام دەدرێت کە ڕووسیا قبوڵ بکات.