دەوامی فەرمانبەران لەم شارە بەم هۆکارەوە کەم دەکرێتەوە
پەیامی کورد ... دەوامی فەرمانبەران لەم شارە بەم هۆکارەوە کەم دەکرێتەوە
پارێزگاری کەرکووک رایگەیاند، بەهۆی بەرزبونەوەی پلەکانی گەرما بەڕێژەیەکی بەرچاو بڕیاردراوە لە ٢٦ی ئەم مانگەوە تا ٥ی ئاب دەوامی فەرمانبەرانی فەرمانگە حکومییەکان تا کاتژمێر ١:٠٠ی دوای نیوەڕۆ بەردەوام دەبێت.
بەگوێرەی نووسراوێک کە واژووی راکان سەعید، پارێزگاری کەرکووکی لەسەرە و ئەمڕۆ دەرچوە باس لەوەکراوە، لەئەمڕۆوە تا ٥ی ئاب بەهۆی بەرزبوونەوەی پلەکانی گەرما بەڕێژەیەکی بەرچاو، فەرمانبەران تا کاتژمێر ١:٠٠ی دوای نیوەڕۆ دەوام دەکەن.
بەگوێرەی ئامارەکانی کەشناسی ئەمڕۆ پلەکانی گەرما بەم شێوەیە دەبن، لەسلێمانی ٤٥ پلە، هەولێر ٤٤ پلە، کەرکوک ٤٦ پلە و دهۆکیش ٤٣ پلە بوە.
دوێنێش سادق عەتییە، شارەزای کەشناسی عێراق رایگەیاند، لە رۆژی یەکشەممەوە شەپۆلێکی نوێی گەرما عێراق دەگرێتەوە و تاکۆتایی ئەم هەفتەیە بەردەوامی دەبێت، بەجۆرێک پلەکانی گەرما بەگوێرەی پارێزگاکان و ناوچەکانی عێراق لەنێوان ٤٦-٥٢ پلەی سلیزیدا دەبێت.
ئەم بابەتە 11991 جار خوێندراوەتەوە