پەیامی کورد     ...  دەوڵەتی تورکیا ژمارەی هێرش و ئامانجە پێکراوەکانی پەکەکە ئاشکرا دەکات

بە پێی هەواڵ و زانیارییەکان ئاژانسى ئەنادۆڵى فەرمى ووڵاتی تورکیا لە زمانی وەزارەتی بەرگری تورکیاوە بڵاوی کردەوە : لە ئۆپراسیۆنی "هەڵۆی زستان" لە باکووری سووریا و عێراق، چەندین حەشارگە، ئەشکەوت، تونێل، کۆگای چەک و تەقەمەنی و بنکە و کەمپی مەشق و راهێنانی پەکەکە خاپوور کراون. 
 لە ئۆپراسیۆنەکە، لە ڕێگەی ٦٠ فڕۆکەی شەڕکەرەوە ، فڕۆکەی چاودێری، فڕۆکەی بێفڕۆکەوان و فڕۆکەی بێفڕۆکەوانی چەکدار،، ئامانجەکان لە قوڵایی ١٦٥ کیلۆمەتر لە شارۆچکەی کاراجاک، ٨٥ کیلۆمەتر لە شارۆچکەی شەنگال و نۆ کیلۆمەتر لە شارۆچکەی دەریک بۆردومان کراون. 
ئامانجەکانیش نزیکەی ٨٠ خاڵ بوون لە سێ ناوچەی جیاوازدا و بەهۆی بۆردومانکردنی کۆگاکانی چەک و تەقەمەنیشەوە چەند تەقینەوەیەک لە ناوچەکەدا روویدا، هەروەها بینایەکیش کرایە ئامانج کە بەرپرسانی پەکەکەی  تیایدا کۆ بوونەتەوە.