زانیاری نوێ سەبارەت بە ٢٠٠ میلیاردەکەی بەغدا
پەیامی کورد ... زانیاری نوێ سەبارەت بە ٢٠٠ میلیاردەکەی بەغدا
نوێنه‌رى حکوومه‌تى هه‌رێم له به‌غدا ده‌ڵێت، ناردنى ٢٠٠ ملیار دیناره‌که بۆ هه‌رێم به‌رده‌وام ده‌بێت و بۆ ئه‌م مانگه‌ش حکوومه‌تى عێراق به دڵنیاییەوە بڕه پاره‌که ده‌نێرێت.
فارس عیسا، نوێنه‌رى حکوومه‌تى هه‌رێمى کوردستان له به‌غدا، ڕایگه‌یاند: "له‌سه‌ر بنه‌ماى ئه‌و ڕێککه‌وتنه‌ى ئێستا له نێوان به‌غدا و هه‌ولێردا هه‌یه، ناردنى ٢٠٠ملیار دیناره‌که به‌پێى پرۆژه‌یاسای نوێى دارایى (بودجه‌ى ساڵى داهاتوو) به هه‌مان شێوەی ئێستا به‌رده‌وام ده‌بێت تا په‌سه‌ندکردنى پرۆژه‌یاساى ساڵى داهاتوو".
ووتیشى: "له ئه‌گه‌رى په‌سه‌ندنه‌کردنى پرۆژه‌یاساى بوودجه له ساڵى داهاتوو، به‌پێى یاسایى ئیداره‌ى ماڵى پرۆژه‌یاساى بوودجه‌ى ئێستا بۆ هه‌موو عێراق وه‌ک خۆى به‌رده‌وام ده‌بێت به ٢٠٠ ملیاره‌که‌ى هه‌رێمیشه‌وه و تا ئێستا هیچ مه‌ترسییه‌ک نییه له‌و ڕووه‌وه".
ڕوونیشى کرده‌وه، به دڵنیاییەوە بۆ ئه‌م مانگه‌ش حکوومه‌تى عێراق ٢٠٠ ملیار دیناره‌که ده‌نرێت.
ئەم بابەتە 11993 جار خوێندراوەتەوە