سبەی مووچەی ئەم شوێنانە دابەش دەکرێت
پەیامی کورد ... سبەی مووچەی ئەم شوێنانە دابەش دەکرێت
سەرچاوەیەک لە وەزارەتی دارایی و ئابووری حکوومەتی هەرێمی کوردستان رایگەیاند، سبەی مووچەی مانگی حوزەیرانی ئەمساڵی ١٧ شوێنی دیکە بە لێبڕینی ٢١% دابەشدەکرێت.
سەرچاوەیەک لە وەزارەتی دارایی و ئابووری حکوومەتی هەرێمی کوردستان رایگەیاند، سبەی مووچەی مانگی حوزەیرانی ئەمساڵی هەریەکە لە وەزارەتی کاروکاروباری کۆمەڵایەتی، خاوەن پێداویستیە تایبەتەکان، ئەنجوومەنی دادوەری، وەزارەتی داد، وەزارەتی سامانە سروشتییەکان، ئەوقاف و کاروباری ئایینی، پلاندانان، پیشەسازی و بازرگانی، گواستنەوە و گەیاندن، چاودێری و دارایی، دەستەی مافی مرۆڤ، ناوچەکانی دەرەوەی ئیدارەی هەرێم، دەستەی ژینگە، دەستەی وەبەرهێنان، دەستەی دەستپاکی، کۆمیسیۆنی هەڵبژاردن و دەزگای مین دابەشدەکرێت.
وەزارەتی دارایی و ئابووری حكوومه‌تی هه‌رێمی كوردستان، له ٢٥ی (حوزه‌یران/٦)ی ٢٠٢١ه‌وه ده‌ستی به دابه‌شكردنی مووچه كردوه، به‌رپرسانی داراییش هۆكاری سستی دابه‌شكردنی مووچه، بۆ نه‌گه‌ڕاندنه‌وه‌ی به‌شێك له داهاته‌كان بۆ خه‌زێنه‌ی حكوومه‌ت ده‌گه‌ڕێننه‌وه.
٥ی ئەم مانگە، سەرچاوەیەک لە ئەنجوومەنی وەزیرانی هەرێمی کوردستان رایگەیاندووە سێ هۆکار هەن کە وایانکردوە دابەشکردنی مووچە دوابکەوێت یاخود بە سستی بەرێوەبچێت، جەختیش دەکاتەوە کە مانگی رابردوو تەنها پارێزگای سلێمانی ١٠٠ ملیار دیناری ناردوە وەک داهاتی دابینکراو بۆ مووچە، کە مووچەی سنووری پارێزگای سلێمانی نزیکەی ٢٨٨ ملیار دینارە، بەو جۆرەش هەندێکجار زیاتر لەنیوەی مووچەی فەرمانبەرانی لەسنووری پارێزگاکە لە داهاتی ناوخۆیەوە دابینکراوە.
ئەم بابەتە 11992 جار خوێندراوەتەوە