پەیامی کورد     ...   سنوورەکانی پەروێزخان لە ئێران بە هێنانی تۆپ و تانک لە لایەن ئەرتەشی ئێرانەوە گەمارۆ دەدرێت

 سوپای پاسداران لە کرماشان هێزێکی زۆری وێڕای تانک و تۆپێکی زۆر هێناوەتە سنووری "خوسرەوی و پەرویزخان".

بەپێی هەواڵ و زانیارییەکانی گەیشتووە "، ماوەی یەک حەفتەیە کە بازگەی ئەرتەشی ڕێژیمی ئێران کە دەکەوێتە کۆتایی "قەرەخاندەرە" بۆ "خوسرەوی" هەڵکەوتووە پێش بە ئۆتۆمبێلی خەڵک دەگرێت.

هاوکات ڕێژیمی ئێران لە دوانیوەڕۆ بەملاوە ئیزن بە هیچ کەسێک نادات بۆ لای "خوسرەوی" بڕوات.

لەلایەکی دیکەوە ڕێژیمی ئێران لە ڕێگای سنووری "پەرویزخان" چەک وچۆڵی بۆ عێراق ڕەوانە کردووە.

لە بەرەبەری ساڵمەرگی ''قاسم سلێمانی"ـدا ڕێژیم دەستی بە جموجۆڵ کردووە.

ئەم بابەتە 11994 جار خوێندراوەتەوە