سێ تاوانباری شەهید کردنی فەرماندەکەى حیزبی دیموکراتى کورستان لە هەولێر دانیان بە تاوانەکەیان دا نا " بە فەرمانی ڕاستەوخۆی ئێران کراوە "

پەیامی کورد      ...    سێ تاوانباری شەهید کردنی فەرماندەکەى حیزبی دیموکراتى کورستان لە هەولێر دانیان بە تاوانەکەیاندا نا کە کۆمارى ئیسلامى بە پارە پێى کردوون

دوێنێ دووشەممە ڕێکەوتى ٢٦ى تەمووزى ٢٠٢١ى زایینى بەرامبەر بە (٤ى گەلاوێژى ١٤٠٠ى هەتاوى) لە دادگەی ٢ى تاوانی هەولێرى پایتەختى هەرێمى کوردستان، دادگایی پێنج تۆمەتباری شەهید کردنی قادر قادری فەرماندەى حیزبی دیموکراتى کوردستان بەڕێوە چوو کە لە ڕێکەوتى ٧/٣/٢٠١٨ى زایینى لە بالیسان تیرۆر کرا.
 تۆمەتبارەکان پێک هاتوون لە ٤ پیاو و ژنێک ، پیلانەکەیان بە فەرمانى مەلا عوسمانى هیزۆپی خەڵکی پیرانشار جێبەجێ کردووە.
 لە دادگاکەدا، سێ تۆمەتباریان دانیان بەوەداناوە کە قادر قادرییان شەهید کردووە بەڵام دوو کەسی دیکەیان خۆیان بێبەرى کردووە لەو تاوانە.
 گوتوویانە کە دەستێکی دەرەکی (مەبەستیان کۆمارى ئیسلامى بووە) بە پارە داواى کوشتنی قادر قادرییان لێ کردوون. بڕى پارەکەش ٤٠ هەزار دۆلار بووە کە دەکاتە یەک ملیار تمەنى ئێرانى
 ئەیاد کاکەیی، ئەندامی دەستەی پارێزەرانی دۆسیەی ئەم فەرماندەیەى حدک ڕایگەیاند : بڕیارە ڕۆژی ٢ی مانگی ئاب، کە دەکاتە دووشەممەی هەفتەی داهاتوو جارێکی دیکە دادگا کۆ ببێتەوە.
 کۆبوونەوەى دووبارەى دەگا بۆ بڕیاردانە لەسەر دۆسیەکە و سزادانی تۆمەتباران.
 داوامان لە دادگا کرد کە بە فەرمی تۆمەتباری سەرەکى کوشتنەکە ئاشکرا بکەن و بکوژەکانیش سزا بدەن.

▪️ شایەنى باسە ڕۆژی پێنج‌شەممە ڕێکەوتی ١٧ی ڕەشەمە ٢٠١٨ى زایینى، ڕێوڕەسمی بەخاک سپاردن و پرسەی شەهیدی فەرماندە، قادرقادری  بەڕێوەچوو.


ئەم بابەتە 11988 جار خوێندراوەتەوە