پەیامی کورد    ...   سێ هاوپەیمانی ئۆپۆزسیۆنی ئێرانی بە دەرکردنی بەیاننامەیەک پاڵپشتی لە خۆپیشاندان و ناڕەزایەتی هاووڵاتیانی عەرەب لە خووزستان یان ڕاگەیاند

ئەمڕۆ ٢٠ی جووڵای سێ پێکهاتەی سیاسی کۆنگرەی نەتەوەکانی ئێران ی فێدڕاڵ ، شەورای دیمۆکراسی خوازانی ئێران و یەکگرتوویی بۆ ئازادی و بەرامبەری لە ئێران بە دەرکردنی بەیاننامەیەک پاڵپشتی خۆیانیان لە ماف و داواکارییەکانی هەموو خەڵکی ئێران و بە تایبەتی عەرەبەکانی خووزستان راگەیاند .

ناوەڕۆکی ئەم بەیاننامەیە بەم شێوەیەی خوارەوەیە :

ئێمە واژووکەرانی ئەم نووسراوە ، سێ هاوپەیمانی ئۆپۆزسیۆنی ئێرانی لە بەرگری کردن لە مافی خەڵکانی ئێران بریتی لە کورد ، فارس ، تورک ، عەرەب ، بەلووچ ، لۆڕ ، تەرکمەن و باقی قەومەکان و نەتەوەکانی ژێر ستەم و زۆڵمی بێ هەژمار لە ئێران ، بەم شیوەیە یەکگرتوویی خۆمان بۆ بەرەنگاربوونەوە و خۆپیشاندان و ناڕەزایەتییە بەرحەقەکانی نەتەوەی ژێر زۆڵمی عەرەب لە خووزستان نەتەوەی مێژوویی ئەم بەشە لە ناوچەی پان و بەرینی ئێران کە هەزاران ساڵە لەگەڵ قەوم و نەتەوە و هاووڵاتیانی ئێرانی خۆی ژیاون ڕادەگەینین .

بڕینی ئاو لە سەر خەڵکی ئەم ناوچەیە و ووشکاندنی ڕۆخانەکان و چاڵئاوەکان لەو ناوچە و هەرێمە دا بووەتە هۆی تینوو بوونی میلیۆنان مرۆڤ ، مردنی هەزاران گا و گامێش ، لە ناوچوونی میلیۆنان داری خۆرما ، وێران بوونی میلیۆنان هێکتار زەوی کشت و کاڵی و بەرهەم هاتنی ووردەخۆڵ و درووستبوونی کێشەگەلی هەناسەدان و بێکاری و ئاوارەیی سەدان هەزار کرێکار ی وەرزی و م سیگران و لە ناوچوونی زیاتر لە ٢٧٠ جۆرە ماسی و جۆرەها پەلەوەر ، کیسەڵ و لە ناوچوونی ئێکۆسیستەمی ناوچەکە ، لە لایەن کۆماری ئیسلامی ئێران ەوە بووە .

ئێمە واژوو کەرانی ئەم نووسراوە جگە لە پالپشتیکردن لە مافە ڕەواکانی خەڵکی خووزستان لە مافی ئاو و باقی مافە کۆمەلایەتی و ئابوورییەکانی ئەوان ، لە هەموو ڕێکخراوە سیاسی و مافەکانی مرۆڤ چاوەڕوانیمان هەیە کە جگە لە پاڵپشتی لە خەڵکی عەرەب و ئەم خۆپیشاندانانە کە جیا لە ناڕەزایەتی خەڵکانی ئێران بۆ گەیشتن بە ئازادی و مافی هاووڵاتیان نییە سەفەکانی خۆتان لو دژی ڕژیمی دیکتاتۆری ئێران پێداگرانەتر و ڕێگاکانی لێتێگەیشتن و هاوکاری قووڵتر بکەن .

ئیمە داوا دەکەین کە هەموو هاووڵاتیانی ئێرانی و هەموو نەتەوەکانی ئێران و ڕیکخراوەکانی پەیوەندیدار پالپشتیی لە خۆپیشاندان و هەستانەوە و ناڕەزایەتییەکانی نەتەوەی عەرەب و هەموو خەڵکی خووزستان ڕابگەینن

کۆنگرەی نەتەوەکانی ئێران ی فێدڕاڵ

شەورای دیمۆکراسی خوازانی ئێران

یەکگرتوویی بۆ ئازادی و بەرامبەری لە ئێران

دووشەممە ١٩ی جووڵای ٢٠٢١

ئەم بابەتە 12001 جار خوێندراوەتەوە