سێ گورزی گه‌وره‌ی سەر مووچه‌خۆرانی هه‌رێمی كوردستان ئاشکرا دەکرێت
پەیامی کورد ... سێ گورزی گه‌وره‌ی سەر مووچه‌خۆرانی هه‌رێمی كوردستان ئاشکرا دەکرێت
ئه‌ندامێكی فراكسیۆنی پارتی له په‌رله‌مانی كوردستان رایده‌گه‌یه‌نێت، سێ گورزی گه‌وره به‌ر مووچه‌خۆرانی هه‌رێمی كوردستان كه‌وتوه و له‌پرسیارێكیشدا داوا له‌وه‌زیری دارایی ده‌كات، ڕوونكردنه‌وه له‌سه‌ر پاره‌ی زیادبوونی نرخی نه‌وت و به‌رزبوونه‌وه‌ی به‌های دۆلار بدات.
هێڤیدار ئه‌حمه‌د ئه‌ندامی فراكسیۆنی پارتی له په‌رله‌مانی كوردستان، له‌میانه‌ی دانیشتنێكی په‌رله‌ماندا رایگه‌یاند، له‌ئێستادا كه نرخی نه‌وت له‌بازاڕه‌كانی جیهان ڕووی له‌زیادبوون كردوه، پێویسته وه‌زیری دارایی ووڵام بداته‌وه كه كوا پاره‌ی زیادبوونی ئه‌و نرخه، جگه له‌وه‌ش كوا جیاوازی به‌رزبوونه‌وه‌ی به‌های دۆلار به‌رامبه‌ر به‌دۆلار، كوا داهاتی گومرۆگ كه ته‌نها له‌پێنج مانگی ئه‌مساڵ مووڵه‌تی ٢٤٨٨ كۆمپانیا دراوه بۆئه‌وه‌ی كاڵا هاورده‌ی هه‌رێم بكه‌ن
ئاماژه‌ی به‌وه‌شكرد، پێویسته وه‌زیری دارایی روونكردنه‌وه بدات له‌سه‌رئه‌وه‌ی پێشتر ووترا داهاتی سلێمانی كه‌مبوه‌ته‌وه، له‌كاتێكدا به‌پێی به‌دواداچوونه‌كان ئه‌و قسه‌یه راست ده‌رنه‌چوو.
هێڤیدار ئه‌حمه‌د ئاشكراشی كرد، "سێ گورزی گه‌روه له‌مووچه‌خۆرانی هه‌رێم كه‌وتوه، 21%ی مووچه‌كانیان بڕاوه، به‌ڕێژه‌ی 23% زیان به‌به‌های داهاته‌كه‌یان كه‌وتووه، بازاڕیش گران بوه، حه‌قی خه‌ڵكی هه‌رێمی كوردستانه و متمانه‌ی به په‌رله‌مان داوه و ئێستا بپرسین كوا ئه‌و داهاتانه".
ئەم بابەتە 11991 جار خوێندراوەتەوە