پەیامی کورد     ...   سەبارەت بە مووڵەتی بێ مووچە ڕێنمایی نوێ و گرینگ بڵاو دەکرێتەوە

وەزارەتی پەروەردەی حکوومەتی هەرێمی کوردستان ڕێنمایی نوێی لە بارەی مووڵەتی بێ مووچەی مامۆستا و فەرمانبەران بڵاوکردەوە و رایگەیاند، مووڵەتی بێ مووچە نابێت لە دوو ساڵ زیاتر بێت.
بەپێی نووسراوێکی وەزارەتی پەروەردەی حکوومەتی هەرێمی کوردستان، لەبارەی مووڵەیت بێ مووچە بڕیاردراوە بە، "مووڵەتی بێ مووچە نابێت لە دوو ساڵ زیاتر بێت و پێویستە ئەو فەرمانبەرەی داوای مووڵەت دەکات لە دوای کۆتایی ھاتنی مووڵەتەکەی، پەیوەندی بە کارەکەیەوە بکاتەوە و دواتر داوای مووڵەتی تر بکات".

ئاماژەی بەوەشکراوە، ئەو مامۆستایانەی لە دەرەوەی ووڵاتن و بەھۆی نەخۆشییەوە ناتوانن بگەڕێنەوە، پێویستە بە ڕاپۆرتی پزیشکی ئەو ووڵاتەی لێی نیشتەجێیە پشتڕاست بکرێتەوە.

بەپێی نووسراوەکەی وەزارەتی پەروەردە، ئەو مامۆستایانەی لە مووڵەتی دایکایەتیدان، مافیان ھەیە لە ماوەی ١٠  ڕۆژ دوای دەستبەکاربوونەوەیان داوای مووڵەتی بێ مووچە بکەن، هاوکات ھەڵوەشاندنەوەی مووڵەتی بێ مووچەش پێویستە ٧ ڕۆژ بەسەر دەرچوونی فەرمانی وەزاری تێپەڕ نەبووبێت.

ئەم بابەتە 11989 جار خوێندراوەتەوە