سەبارەت بە هێرشه‌كانی توركیا بۆ سه‌ر رۆژئاوای کوردستان توێژەرێکی ئەمریکی هۆشداری ده‌داته به‌رپرسانی ووڵاته‌كه‌ی
پەیامی کورد ... سەبارەت بە هێرشه‌كانی توركیا بۆ سه‌ر رۆژئاوای کوردستان توێژەرێکی ئەمریکی هۆشداری ده‌داته به‌رپرسانی ووڵاته‌كه‌ی
توێژەرێکی ئەمریکی هۆشداری ده‌دات له‌وه‌ی كه هێرشەکانی سوپای تورکیا بۆ سەر باکوور و ڕۆژهەڵاتی سووریا کاریگەری نەرێنی لەسەر شەڕی داعش دەبێت و هه‌وڵه‌كان بۆ له ناوبردنی ته‌واوه‌تی ئه‌و رێكخراوه تێكده‌ده‌ن، ده‌شڵێت، "ئەمریکا، تورکیا وەک هاوپەیمانێکی سەرەکی ستراتیژی دەبینێت، ئەم پەیوەندییە لەگەڵ واشینتۆن یش لە دوای لەشکرکێشی رووسیا بۆ سەر ئۆکراین ، گرینگییەکەی پەرەی سەندوە".
دوای تەقینەوەکەی ئیستانبوڵ، دەوڵەتی تورکیا هێرشەکانی بۆ سەر باکوور و ڕۆژهەڵاتی سووریا پەرەپێداوه ژێرخانی ناوچه‌كه‌ی كردوه‌ته ئامانج، هێرشەکان شوێنەکانی دەستبەسەرکردنی چه‌كدارانی داعش و بنەماڵەکانیان لە قامیشلۆ و ئەلهۆڵ و هەروەها ناوەندێکی هاوبه‌شی هێزه‌كانی دژە تیرۆر و هاوپه‌یمانانی كردوه‌ته ئامانج.
کاڵڤین وایڵدەر، توێژەر ئینستیتیوتی ئەمریکی نیولاینز بۆ کاروباری تورکیا به ئاژانسی ئانها-ی راگه‌یاندوه، "تورکیا لە یەکەم هێرشه ئاسمانییەكاندا دو ئامانجی سەرەکی هەیە، یه‌كه‌مان زەمینەسازی بۆ ئەگەری لەشکرکێشی وشکانی بۆ داگیرکردنی خاكی باكوور و رۆژهه‌ڵاتی سووریا، كه به ئه‌گه‌رێكی زۆره‌وه له شاره‌كانی كۆبانێ و مه‌نبج دەست پێدەکات".
ئەو توێژەرە ئەمریکییە پێیوایە کە "ئەمریکا و ڕوسیا دژایەتی هێرشێکی نوێی تورکیا دەکەن، کە دەتوانێت ئەم هەوڵە پووچەڵ بکاتەوە".
دەشڵێت، "ئامانجی دوەمی توركیا ووردە ووردە لاوازکردنی هێزەکانی باكوور و رۆژهه‌ڵاتی سووریایه بە تێپەڕبوونی کات، تەنانەت بەبێ هێرشێکی نوێ لەسەر زەوی، چوونکە هێرشە ئاسمانییەکانی تورکیا سەرکردە سەرەکییە سیاسی و سەربازییەکان دەکەنە ئامانج و ژێرخانی مەدەنی لەناودەبەن و وەبەرهێنەرانی بیانی و کرێکارانی گەشەپێدان لە فراوانکردنی کارەکانیان ڕادەگرن".
ئه‌و توێژه‌ره روونیكردوه‌ته‌وه، "بۆردومانکردنی تورکیا بۆ سەر باکوور و ڕۆژهەڵاتی سووریا زیان بە شەڕی داعش دەگەینێت، شه‌ڕڤانان ناچار دەکات ئەو سەرچاوانەی کە دەتوانرێت لە دژی داعش بەکاربهێنرێن، بە مەبەستی خۆئامادەکردن بۆ شەڕێکی ئەگەری دژ بە تورکیا".
ئه‌وه‌شی خسته‌ڕوو، "ئێمە پێشتر ئەم شتەمان بینیوە، لە هێرشی مانگی 10ی 2019، لە کاتی هێرشی تورکیا بۆ سەر باکووری ڕۆژهەڵاتی سووریا، زۆر ڕوون بوو کە شه‌ڕڤانان ناتوانن شەڕی تورکیا بکەن، له ئێستادا ئاستی ئەمنی گونجاو لە زیندانەکانی نیشتەجێبوونی دەستگیرکراوانی داعش و مەترسی هەڵوەشاندنەوەی ئەو زیندانە نوێیەکانی داعش بەهۆی بە شێوەیەکی بەرچاو زیادیکردوە".
سەرەڕای هەمو ئەم هێرشانە بۆ سەر ژێرخانی باکوور و ڕۆژهەڵاتی سووریا و کاریگەرییەکانیان لەسەر شەڕی داعش، تا ئێستا هیچ سه‌ركۆنه‌كردنێكی تووندی ووڵاتانی ڕۆژئاوا بۆ هێرشی تورکیا بۆ سەر باکووری سوریا نەبوە، وایڵدەر هۆکاری ئەمەی بۆ ئەوە گەڕاندەوە کە "ئەمریکا، تورکیا وەک هاوپەیمانێکی سەرەکی ستراتیژی دەبینێت، ئەم پەیوەندییە لەگەڵ واشنتنیش لە دوای لەشکرکێشی ڕوسیا بۆ سەر ئۆکراین ، گرینگییەکەی پەرەی سەندووە، بۆیە دودڵی هەیە لە فشارێکی زۆر لەسەر ئانکارا لە س
ئەم بابەتە 11990 جار خوێندراوەتەوە