سەرۆك بارزانی پێشوازی لە باڵیۆزی فەڕەنسا لە عێراق کرد
پەیامی کورد ... سەرۆك بارزانی پێشوازی لە باڵیۆزی فەڕەنسا لە عێراق کرد
ڕۆژی چوارشەممە 25ی ئەیلوولی 2024 لە سەلاحەددین سەرۆك مەسعوود بارزانی پێشوازی لە بەڕێز پاتریك دورێل باڵیۆزی فەڕەنسا لە عێراق كرد.
لەو دیدارەدا كە یان بریم كونسووڵی فەڕەنسا لە هەولێریش ئامادەی بوو، بیروڕا لەبارەی دوایین پێشهاتە سیاسی و گۆڕانكارییەكان لە ئاستی عێراق و ناوچەكە و هەروەها پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ ئاڵوگۆڕ كرا.
هەر لەو دیدارەدا ئاماژە بە بایەخی ئەو كۆڕبەندە ئابوورییە درا كە لەبارەی پەیوەندییە ئابوورییەكانی نێوان هەرێمی و كوردستان و فەڕەنسا لە پاریس بەسترا و جەخت لە پەرەپێدانی پەیوەندییە ئابوورییەكانی نێوان هەردوولا كرایەوە.
بەڕێوەچوونی هەڵبژاردنی پەرلەمانی كوردستان لە ئۆكتۆبەری داهاتوو تەوەری تری ئەو دیدارە بوو.
ئەم بابەتە 49800 جار خوێندراوەتەوە