سەرۆك بارزانی پێشوازی لە باڵیۆزی ڕووسیا لە عێراق دەكات
پەیامی کورد ... سەرۆك بارزانی پێشوازی لە باڵیۆزی ڕووسیا لە عێراق دەكات
ئەمڕۆسێشەممە ٦ـی تەمموزی ٢٠٢١ لە سەلاحەددین سەرۆك مەسعوود بارزانی پێشوازی لە ئیلبروس كوتراشیڤ باڵیۆزی تازەی ڕووسیا لە عێراق و شاندێكی یاوەری كرد.
لە دیدارەكەدا بیروڕا لەبارەی دوایین پێشهات و گۆڕانكارییە سیاسییەكان لەسەر ئاستی عێراق و سووریا و ناوچەكە و هەڕەشەكانی تیرۆر ئاڵوگۆڕ كرا و، پەیوەست بە شەڕی تیرۆرەوە، سەرۆك بارزانی جەختی لەوە كردەوە كە ڕیشەكێشكردنی تیرۆر هەوڵێكی هەمە لایەنەی نێودەوڵەتی گەرەكە و بە پێویستیشی زانی كە هەوڵەكان بۆ لەناوبردنی تیرۆر لە عێراق و سووریا هاوكات و هاوتەریبی یەكتر بێت.
هەر لەوە دیدارەدا تەحەددیاتی بەردەم پڕۆسەی سیاسی عێراق و هەڵبژاردنەكانی داهاتووی عێراق خرایە بەر باس و گفتوگۆ و، جەخت لەسەر كاریگەریی بارودۆخی عێراق لەسەر سەقامگیریی ناوچەكە كرایەوە.
پەیوەندییەكانی نێوان هەرێمی كوردستان و ڕووسیا تەوەرێكی تری ئەو دیدارە بوو و سەرۆك بارزانی هیوای سەركەوتنی بۆ باڵیۆزی تازەی ڕووسیا لە عێراق خواست لە ئەرك و چالاكییەكانیدا.
ئەم بابەتە 11992 جار خوێندراوەتەوە