پەیامی کورد     ...   سەرۆکوەزیرانى عێراق: لەگەڵ هەرێمى کوردستان هەماهەنگیمان هەیە و چەندین گرووپى تیرۆریستیمان دەستبەسەر کردوون

 موستەفا کازمى سەرۆک وەزیرانى عێراق لە تەلەفزیۆنی (الحدث) باسى لەوە کرد کە: هەماهەنگیمان لەگەڵ حکوومەتى هەرێمى کوردستان هەیە. هەەندێ هێرش و دەستدرێژى لە لایەن چەند گرووپێکەوە کرایە سەر بەغدا و چەند ناوچەیەکى عێراق و هەروەها هەرێمی کوردستان.
لەبەرامبەر ئەو جۆرە کارانەدا هەماهەنگى باش لەنێوان هەولێر و بەغدا هەیە . سەرکەوتوو بوون لە دەستگیرکردنى گرووپێک لە هەرێم و گرووپێکى تریش لە بەغدا کە ئەنجامدەرى هێرشەکان بوون.
لەو کاتەوەى کە پۆستى سەرۆکوەزیرانم قبوڵ کردووە، سێ جار رووبەڕووى هەوڵى تیرۆرکردن بوومەتەوە. من بڕوام بەوە هەیە کە خودا ئەو کات و ساتەى بۆ نوسیووم کە ببمە خزمەتکارى ئەم گەلە.
هەروەها ئەو کات و ساتەى بۆ دیارى کردووم کە تیایدا ماڵئاوایى لە ژیان دەکەم.
سەبارەت بە کەیسى تیرۆرکردنى هیشام هاشمى، شارەزاى ئەمنى عێراقى، دادگا قسەى یەکلاکەرەوە دەبێت.گومان لە هەنگاوەکانمان دەکرێت بۆ شوێنکەوتنى بکوژانى خۆپیشاندەران بەڵام ئێمە بەردەوام دەبین لە شوێنکەوتنى سەرجەم تاوانباران.

ئەم بابەتە 11988 جار خوێندراوەتەوە