سەرۆککۆماری بێلاڕووسیا هەواڵ لە دەستوەردانی ئەرتەشی ووڵاتەکەی بۆ گەیشتنی پەنابەران بە ووڵاتانی ئەورووپایی دەدات .

بە پێی ڕاپۆرتێک لە ئەلجەزیرە ئەلێکساندەر لۆکانشکۆ ڕایگەیاند : لەوانەیە هێزەکانی ئەرتەش بح پەناخوازانێک لە لە سنووری پۆڵەندا کۆبوونەتەوە هاوکاری بکەن بگەنە ووڵاتانی یەکیتی ئەورووپا بەڵام بە ئاشکرا دەڵێم کە ئێمە پەنابەرانمان نەهێناوەتە سنوور .

ئەوە ماوەی دوو هەفتەیە کە گرفت و کێشەی نوێ لە نێوان ئەورووپا و بێلاڕووسیا لە سەر پەنابەران هاتووەتە ئاراوە . ئەورووپا بێلاڕووسیا بە هێنانی پەنابەرانی بۆ سنوورەکانی خۆی لەگەڵ پۆڵەندا و هەروەها هەوڵدان بۆ بە چاڵێنج کێشانی ئەمنییەتی خۆی تاوانبار دەکات . دۆخی مرۆیی یش لە سنووری دوو ووڵات زۆر نالەبارە و هەر چەند وەخت جارێک ژمارەیەک لە پەنابەران کە لە نێوانیان دا ژن و منداڵیش بوونیان هەیە گیانی خۆیان لە دەست دەدەن .

لۆکانشکۆ لە ووتووێژێکدا لەگەڵ BBC  ڕایگەیاند : ئێمەش مرۆڤین ، دڵمان هەیە ، هەموومان دەزانین کە مەبەستی سەرەکی ئەم پەنابەرانە ئاڵمانیایە و لەوانەیە ئەرتەش هاوکار بێت ئەوان بتوانن بگەنە ناو خاکی ئەورووپا .

لە هەمان حاڵدا ئەورووپا ڕایگەیاندووە بە دوای گەمارۆگەلێکی نوێ لە دژی بێلاڕووسیایە . لە لایەکی دیکەوە عێراق و سووریا ڕایانگەیاندووە لە ئێستادا هەموو فڕینەکان بەرەو ووڵاتی بێلاڕووسیایان ڕاوەستاندووە لە بەر ئەوەی نازانن کام موسافر بە نیاز پەنابەری و کۆچکردنە .