سەرۆککۆماری ووڵاتی هایتی تێرۆر کرا
پەیامی کورد ... سەرۆککۆماری ووڵاتی هایتی تێرۆر کرا
سەرۆک وەزیرانی کاتی هایتی رایگەیاند، جۆڤنێل مۆئیر، شەوی رابردوو سەرۆکی ووڵاتەکەیان لەماڵەکەی خۆیدا تەقەی لێکراوە و کوژراوە.
بەگوێرەی روونکردنەوەکانی سەرۆک وەزیرانی کاتی هایتی، شەوی رابردوو ژمارەیەک چەکداری نەناسراو هێرشیان کردۆتە سەر شوێنی نیشتەجێبونی سەرۆکی ووڵات و چەند گوللەیەکیان پێوەناوە و کوشتویانە.
بەگوێرەی زانیارییەکان، هاوسەری سەرۆکی هایتی کە خانمی یەکەمی ووڵاتە، بەر دەستڕێژی گوللەکان کەوتوە و بەبرینداری لەنەخۆشخانەیە.
سەرۆک وەزیرانی کاتی ئەوەشی ئاشکراکرد، هێرشەکە کاتژمێر ١:٠٠-ی شەو ئەنجامدراوە و هەندێک لەوانەی کە هێرشەکەیان کردوە، بەئیسپانی قسەیان کردوە، سەرەتا سەرۆک بەخەستی برینداربوە و دواتر مردووە.
سەرۆک وەزیرانی کاتی هایتی، داوای لەخەڵکی ووڵاتەکەی کرد هێمنی بپارێزن و نەشڵەژێن، ئاسایشی ووڵات لەژێر کۆنترۆڵ داوە و هەنگاوی پێویستیان لەو روەوە گرتۆتەبەر.
هایتی دەکەوێتە دەریای کاریبی و یەکێکە لە هەژارترین وڵاتانی قاڕەی ئەمریکا.
ئەم بابەتە 11991 جار خوێندراوەتەوە