پەیامی کورد  ...  سەرۆکی ئەنەکەسە : چالاکتر دەبین لە خزمەتکردنی خەڵکی ڕۆژئاوای کوردستان

سەرۆکی ئەنجوومەنی نیشتمانی کورد لە سووریا، نیعمەت داوود کە تازە دەستی بە ڕۆڵی خۆی کردووە وەک بەرپرسی ئەنەکەسە، ڕایگەیاند کە چالاکیی نوێ لە بواری سیاسی و دیپلۆماسی ئەنجام دەدات و چالاکتر دەبێت لە خزمەتی... خەڵکی ڕۆژئاوای کوردستان.

نیعمەت داوود قسەی بۆ میدیاکانی کوردستان کرد و ووتی : جاران ئەنەکەسە چوارچێوەیەکی سیاسی بوو لە هەموو دیدار و دانووستانە سیاسییە نێودەوڵەتییەکان، بەڵام ماوەی دوو ساڵە پڕۆسەی سیاسی وەستاوە و ئەمەش کاریگەری لەسەر کاری ئەنەکەسە هەبووە. لە قۆناغی داهاتوودا هەوڵ دەدەین چالاکی نوێ لە بواری سیاسەت و پەیوەندییە دیپلۆماسییەکان ئەنجام بدەین.

نیعمەت داوود ڕوونیشی کردەوە: لە ڕوویەکی دیکەوە خەریکە لە میللەتەکەمان نزیک دەبینەوە و پەیوەندییەکانمان لەگەڵ دامەزراوە کۆمەڵایەتییەکان زیاتر دەکەین. واتە هەوڵ دەدەین چالاکییەکانی ئینکس لە بواری سیاسی و مەیدانی و لە خزمەتی دۆزی نەتەوەکەماندا چالاک بکەین.