پەیامی کورد    ...   سەرۆکی حکوومەتی هەرێمی کوردستان پەیامێکی هاوخەمی بۆ شا عەبدۆڵڵای دووەم دەنێرێت

ئەمڕۆ سێشەممە 28 حوزەیران، مەسروور بارزانی سەرۆکی حکوومەتی هەرێمی کوردستان پەیامێکی پرسە و هاوخەمی بۆ شاعەبدۆڵڵای دووەم شای شانشینی ئوردنی هاشمی نارد بۆ ڕووداوی بەندەری عەقەبە کە بووە هۆی گیان لەدەستدان و برینداربوونی دەیان کەس.

لە پەیامەکەیدا سەرۆکی حکوومەت سەرەخۆشی لە بنەماڵە و کەسوکاری قوربانییانی ڕووداوەکە و گەلی ئوردن کرد و هیوای چاکبوونەوەی خێراشی بۆ بریندارەکان خواست .

لە بەرامبەردا شاعەبدۆڵڵای دووەم ، سوپاس وپێزانینی خۆی وگەلی ئوردنی بۆ سەرەخۆشی و هاوخەمی سەرۆکی حکوومەت دەربڕی.