پەیامی کورد     ...   سەرۆکی شەورای باڵای ئەمنییەتی نیشتیمانی ئێران داوا لە فوئاد حسێن دەکات حێزبە کوردییەکانی ڕۆژهەڵاتی ئێران لە هەرێمی کوردستان دەربکات

عەلی شەمخانی داوای لە عێراق کردووە کە حێزبەکانی دژبەری ئێران لە هەرێمی کوردستان دەر بکەن

''عەلی شەمخانی'' سەرۆکی شەورای باڵای ئەمنییەتی نیشتیمانی ئێران ڕۆژی سێشەممە ١٠ی ئۆگۆستی ٢٠٢١ ، لە دیدار لەگەڵ ''فوئاد حسێن'' وەزیری دەرەوەی عێراق داوای کردووە کە دەبێ حیزبە دژبەرەکانی ئێران لە هەرێمی کوردستان دەر بکرێن.

لەو دانیشتنەدا ''شەمخانى'' سەرەڕاى هەڕەشە لە چالاکییەکانی ئەو حیزبانە، داواى لە وەزیرى دەرەوەى عێراق کردووە کە حیزبەکانی ڕۆژهەڵاتی کوردستان لە هەرێمى کوردستان دەر بکەن و کۆتایی بە چالاکییەکانیان دژی ئێران بێنن.

ناوبراو وتوویەتی، داوا لە دەوڵەتی عێراق دەکەین کە بەرامبەر دەرکردنی ئەو حیزبانە لە هەرێمی کوردستان هەنگاو هەڵبگرن، هەتا ئێران ناچار نەبێت هەوڵی دەسپێشخەرانە دژی ئەو حیزبانە ئەنجام بدات.

هەروەها ئەو بەرپرسەی ڕێژیمی ئێران حیزبەکانی ڕۆژهەڵاتی کوردستانی بە گرووپی تێرۆریستی ناو بردووە.

ئەم بابەتە 11988 جار خوێندراوەتەوە