پەیامی کورد    ...   سەرۆکی نوێی ڕێکخراوی حەفازەت ئیتلاعات " پاراستنی زانیاری و هەواڵگری " سوپای پاسداران کێیە؟

سەردار حسێنی بە ناوی خوازراوی سەردار مەجید خادمی، سیخوڕی باڵای ڕووسیا لە هێزە چەکدارەکانی کۆماری ئیسلامی ، وەک بەرپرسی " پاراستنی زانیاری و هەواڵگری "  سوپای پاسداران دەستنیشان کرا

حسێنی ، لە هەشتاکان، ڕاوێژکاری سەربازی کۆماری ئیسلامی بووە لە ڕووسیا، لە هەمان کاتدا پەیوەندییەکی نزیکی لەگەڵ دەزگای هەواڵگری ڕووسیا هەبووە و  چووەتە نێو بازنەی شوێن کەوتووانی پووتین و بێگومان ئەمەش هۆکاری گەشەکردنی بووە لە نێو ڕژێمی ئاخوندی.

دوای دروستبوونی " پاراستنی زانیاری و هەواڵگری " سوپای پاسداران جێگەی حسێن تائیبی گرتەوە و ڕۆڵێکی گرینگی هەبوو لە داوخستنی سوپای پاسداران لە تەڵەی ڕووسەکان.

لە ساڵانی نەوەدەکان وەک سەرۆکی دەزگای حەفازەتی ئیتلاعاتی وەزارەتی بەرگری کۆماری ئیسلامی دەستنیشان کرا بۆ کڕینی چەکی ئاسمانی ماوەبەسەرچوو و دەستی دووی ڕووسیا و کڕینی چەکی ئێس - ٣٠٠ بە نرخی زۆر زیاتر.

ئەم کەسە ، خۆشەویستییەکی زۆری بۆ ڕووسیا هەیە و بە دڵنیاییەوە ڕۆڵێکی زۆر گرینگ دەگێڕێت لە بەرژەوەندی ڕووسیا وەک دابین کردنی کەرەستە و بەکرێگیراو بۆ شەڕی ئۆکراین.

ئەم بابەتە 11992 جار خوێندراوەتەوە