کوڤان کەنعۆ سەرۆک پارتی " ڕۆژی دیموکراتی کوردستانی ڕۆژئاوا " لە لێدوانێکدا باسی سەردانەکەی ئەم دوایییەی شاندی ئیدارەی خۆسەر بۆ فەڕەنسا و  کۆبوونەوەیان لەگەڵ سەرۆکی ئەو ووڵاتە دەکات و دەڵێت: پاش ئەوەی ئیدارەی خۆسەر داوای لە کۆمەڵگەی جیهانی کرد دانی پێدا بنێن، سەرۆککۆمارری فەڕەنسا بە فەرمی بانگهێشتی شاندێکی ئیدارەی خۆسەری کرد بۆ ئەوەی سەردانی کۆشکی ئێلیزە بکەن.

ناوبراو ووتیشی: ئەوە ڕووداوێکی گرینگ و شوێندانەرە بۆ کوردەکان لە ئاستی جیهانی

سەرۆکی پارتی ڕۆژی دیموکراتی کوردستانی ڕۆژئاوا هەروەها ووتی : شاراوە نیە کە فەڕەنسا هەوڵ دەدات چارەسەرێک بدۆزێتەوە بۆ هەڵسووکەوت و هاوکاری لەگەڵ کوردەکان و ئەوەش لە دیدار لەگەڵ ماکرۆن تاوتوێ کرا و باسی پشتگیرییەکانی فەڕەنسا بۆ کورد کرا.

ناوبراو ئاشکراشی کرد کە دیدارەکەی ماکرۆن لەگەڵ شاندێکی ئیدارەی خۆسەری کوردستانی ڕۆژئاوا هەنگاوێک بوو لە چوارچێوەی پویوەندی ڕاستەوخۆی سیاسی ڕۆژئاواییەکان لەگەڵ ئیدارەی خۆسەر و جووڵەیێک بوو بەرەو پێش بۆ بە فەرمی ناساندنی ئیدارەکە.