پەیامی کورد     ...   سەرۆک بارزانی پێشوازی لە شاندێکی باڵای ھاوپەیمانی تەقەدوم و عەزم دەکات

رۆژی شەممە ٨ـی کانوونی دووەمی ٢٠٢٢ لە سەلاحەدین سەرۆک مەسعوود بارزانی پێشوازی لە شاندێکی باڵای ھاوپەیمانی تەقەدۆم و عەزم کرد ، کە پێکھاتبوو لە موحەمەد حەلبووسی و خەمیس خەنجەر و ئەحمەد ئەلجبووری.

لە دیدارەکەدا بیروڕا لەبارەی پەرەسەندنەکانی ناو گۆڕەپانی سیاسی عێراق و ھەنگاوەکانی دانیشتنی یەکەمی ئەنجوومەنی نوێنەرانی عێراق و پێکھێنانی حکوومەتی تازەی عێراق کرایەوە.

ھەر لەو دیدارەدا جەخت لە پێویستی لە یەک نزیکردنەوەی پێکھاتەکانی عێراق و رەچاوکردنی بەرژەوەندی و سەقامگیری عێراق کرایەوە.