سەرۆک بارزانی پەیامێکی پیرۆزبایی بڵاو دەکاتەوە
پەیامی کورد ... سەرۆک بارزانی پەیامێکی پیرۆزبایی بڵاو دەکاتەوە
سەرۆک مسعوود بارزانی سه‌رۆكی پارتی دیموكراتی كوردستان، په‌یامێكی له‌باره‌ی بڕیاره‌كه‌ی رێكخراوی نه‌ته‌وه‌یه‌كگرتوه‌كان "یونسكۆ" له‌باره‌ی دیاریكردنی هه‌ورامان وه‌ك شوێنه‌واری گرینگی مرۆڤایه‌تی بڵاوكرده‌وه و رایگه‌یاند، هه‌ورامان ناوچه‌یه‌كی گرنگی كوردستانه كه هه‌میشه ڕۆڵی به‌رچاوی له فه‌رهه‌نگ و ئه‌ده‌ب و مێژوو و شۆڕش و سیاسه‌ت و بزاڤی ڕزگاریخوازی كوردستاندا هه‌بوه.
مسعوود بارزانی سه‌رۆكی پارتی و سه‌رۆكی پێشووی هه‌رێم له‌په‌یامێكدا رایگه‌یاند، "به بڕیاری ئه‌م دواییه‌ی ڕێكخراوی جیهانی په‌روه‌رده‌یی و زانستی و فه‌رهه‌نگی سه‌ر به ڕێكخراوی نه‌ته‌وه یه‌كگرتوه‌كان (یۆنێسكۆ) زۆر خۆشحاڵم كه تێیدا ئه‌و به‌شه‌ی ناوچه‌ی هه‌ورامان كه كه‌وتوه‌ته ڕۆژهه‌ڵاتی كوردستان، خراوه‌ته نێو لیستی شوێنه‌واری گرینگی مرۆڤایه‌تی".
ئه‌وه‌شی خسته‌ڕوو، "هه‌ورامان ناوچه‌یه‌كی گرینگی كوردستانه كه هه‌میشه ڕۆڵی به‌رچاوی له فه‌رهه‌نگ و ئه‌ده‌ب و مێژوو و شۆڕش و سیاسه‌ت و بزاڤی ڕزگاریخوازی كوردستاندا هه‌بوه".
سەرۆک بارزانی ئاماژه‌ی به‌وه‌شكرد، "ئه‌و بڕیاره‌ی یونسكۆ ده‌ستكه‌وتێكی تره بۆ خه‌ڵكی كوردستان و ناوچه‌ی هه‌ورامان، به‌م بۆنه‌وه پیرۆزبایی له گه‌لی كوردستان و خه‌ڵكی خۆشه‌ویستی ناوچه‌ی هه‌ورامان ده‌كه‌م و هیوای ئارامی و پێشكه‌وتنی زیاتریان بۆ ده‌خوازم".
ئەم بابەتە 11990 جار خوێندراوەتەوە