پەیامی کورد    ...   " سەلوە یووسف " جێگری مەزڵووم کۆبانی لە هێرشی فڕۆکە بێفڕۆکەوانەکانی تورکیا شەهید کرا

سەلوە یووسف ناسراو بە گیانی عەفرین، جێگری مەزڵووم عەبدی، فەرماندەی هێزەکانی سووریای دیموکرات (هەسەدە) لە هێرشی فڕۆکە بێفڕۆکەوانەکانی تورکیا پێکرا و گیانی دەستدا و شەهید بوو .

ڕۆژی هەینی ڕێکەوتی ٢٢ی جووڵای ، سەلوە یووسف، فەرماندەی ئۆپراسیۆنە هاوبەشەکانی هەسەدە و جێگرەوەی فەرماندەی هەسەدە لەگەڵ دوو چەکداری پاسەوان بە هێرشی فڕۆکە بێفڕۆکەوانەکانی تورکیا لە نزیکی قامیشلۆ کوژران. 

مەزڵوم عەبدی  یەکشەممە ڕێکەوتی ٢٣ی جووڵای ، لە توییتێکدا ئەم هەواڵەی پشتڕاست کردووەتەوە و ڕایگەیاند سەلوە لەلایەن دەوڵەتی تورکیاوە کراوەتە ئامانج و گیانی لە دەست داوە. 

رۆژی هەینی ڕێکەوتی ٢٢ی جووڵای ، ئۆتۆمبێلێک لە رێگەی قامیشلۆ لەلایەن هێزەکانی تورکیا کرایە ئامانج و لە ئەنجامدا سێ کەس بە ناوەکانی سەلوە و جانا و ڕۆها گیانیان لەدەستداوە. 

مەزڵووم عەبدی لە لاپەڕی تایبەتی تویتەر دا بڵاویکردەوە: هاوپەیمانانمان دەبێ هاوکارمان بن لە لەقاودانی تورکیا و تۆڵەکردنەوەی خوێنی شەهیدانمان.