پەیامی کورد   ...  شارەزای ڕووسی : پووتین لە چاوپێکەوتنەکەیدا لەگەڵ کارلسۆن پەیامەکەی بە ئەمریکا گەیاندووە

ئەو شارەزایە ڕوسییە ئاماژەی بەوەش کرد ، لە چاوپێکەوتنەکەیدا لەگەڵ کارلسۆن، ڤلادێمیر پووتین نیشانی ئەمریکای داوە کە ڕووسیا ئامادەیە بۆ گفتوگۆ.
ڤلادێمیر برۆتێر، شارەزا لە پەیمانگای نێودەوڵەتی بۆ لێکۆڵینەوە مرۆیی و سیاسییەکانی ڕووسیا ، بە ئاژانسی سپۆتنیکی ڕاگەیاندووە : ڤلادێمیر پووتین ، سەرۆککۆماری ڕووسیا لە چاوپێکەوتنێکدا لەگەڵ تاکەر کارلسۆن، ڕۆژنامەنووسی ئەمریکی ئاماژەی بە ئەمریکا کردووە کە مۆسکۆ ئامادەیە بۆ قسەکردن ، بەڵام واشینتۆن ئامادە نییە. 

برۆتێر ووتی : ئاماژەکە ئەوە بوو کە بە دڵنیاییەوە هاوڕا دەبین کە ڕووسیا کراوەیە بۆ ڕێککەوتن. ڕاستییەکە ئەوەیە کە لایەنی بەرامبەر ئامادە نییە. ڕووسیا هەر لە سەرەتاوە ویستوویەتی دانووستان بکات، بەڵام خەتای ئێمە نییە کە ئەوە ڕووی نەدا.

بە ووتەی ئەم شارەزایە، ئەمە ڕێک ئەوەیە کە پوتین ویستویەتی لە چاوپێکەوتنەکەیدا لەگەڵ کارلسۆن بیڵێت. تەنانەت ڕووسیا پێشنیاری دانووستانی کرد کە کلینتۆن سەرۆک بوو و ٢٠ ساڵ تێپەڕیوە، بەڵام بە هۆکارێک کەس گرینگی بەو بابەتە نەدا.
لە وتووێژێکدا لەگەڵ کارلسۆن، پووتین ڕایگەیاند، دەزگای هەواڵگری فیدراسیۆنی ڕووسیا و ئەمریکا بەدواداچوون بۆ پرسی ئازادکردنی ڕۆژنامەنووسی ئەمریکی ئیڤان گێرشکێڤیچ دەکەن. سەرکردەی ڕووسیا ئەگەری ئەوەی ڕەت نەکردەوە کە ئەم ڕۆژنامەنووسە لە زێدی خۆیدا کۆتایی پێبێت، بەڵام جەختی لەوە کردەوە کە چارەسەری ئەم کێشەیە "بە جووڵەی هاوبەشی هاوبەشەکانمان" دەکرێت.

ئەم بابەتە 12000 جار خوێندراوەتەوە